Untitled Document
| 1256 | | உண்ணும் உணவுக்கு ஏங்காமல்,
உடுக்கும் ஆடைக்கு அலையாமல்,
பண்ணும் தொழில்கள் பல காண்போம்;
பஞ்சப் பேயைத் துரத்திடுவோம்;
அண்ணல் காந்தி வழிபற்றி
அகிலம் புகழ வாழ்திடுவோம்;
எண்ணும் அன்பர் உளம்தங்கும்
இறைவா! துணைசெய் தருள்வாயே. |
| 1257 | | ஈரம் இரக்கம் இல்லாமல்
இருநூ றாண்டு தளராமல்,
கோர ஆட்சி புரிந்தவரின்
கொட்டம் அடங்கக் காந்திமகா
வீரன் செய்த அறப்போரின்
வெற்றி தந்த குடியரசு
பார தத்தில் நீடுழி
பல்கிப் பெருகி வாழ்கவே! |
| 1258 | | வெற்றி சிறந்த விரோதியினில்
விளங்கு மகரம் பதின்மூன்றில்
கற்ற பெரியோர் மதிவல்லோர்
கண்ட நமது குடியரசு
வற்றில் கங்கை காவேரி
வளஞ் செய் பரத நாட்டினிலே
சிற்றம் பலவன் திருவருளால்
தினமும்வாழ்க வாழ்கவே! |
| 1259 | | விஞ்சுபுகழ் வெற்றிதரு விரோதி ஆண்டில்
விளங்கிடு தை பதின்மூன்றில் வியாழ நாளில்
நெஞ்சுவந்து பாரதத்தாய் பெற்ற மக்கள்
நிறுவிய நற் குடியரசு நிலைத்து நித்தம் | |
|
|