Untitled Document | 234. பொங்கல் வாழ்த்துக்கள் |
| 1265 | | புயலும் பருவ மழைபொழிய
பொருள்கள் எஞ்கும் விலைமலிய
வயலிற் பயிர்கள் வாய்த்துவர
மக்கள் உள்ளம் மகிழ்ச்சிபெற
அயனும் அரியும் தேடுமரன்
அருளை வேண்டும் தைப்பொங்கல்
பயிலும் அன்பால் ஒருநால்வர்
பாடும் கவிபோல் பொங்குகவே! |
| 1266 | | சாதி சமயம் பற்றிவரு
சண்டை ஓய்ந்து மறைந்திடவே,
நீதி யெங்கும் நிலவிடவே,
நெஞ்சிற் கருணை நிறைந்திடவே,
ஆதி இறைவன் ஆனந்தன்
அருளை வேண்டும் தைப்பொங்கல்
பூத லத்தில் காந்திமகான்
புகழே போலப் பொங்குகவே! |
| 1267 | | வார வழக்கு வாராமல்
வயலிற் பயிர்கள் செய்திடவே,
ஈர நெஞ்சம் உடையவராய்
எவரும் உலகில் வாழ்ந்திடவே,
ஆரை அணியாய் அணிந்தபிரான்
அருளை வேண்டும் தைப்பொங்கல்
பாரில் பெரியோர் ஆசிதரும்
பாக்கி யம்போல் பொங்குகவே! |
| 1268 | | நாடும் நகரும் சிறந்திடவே,
நன்செய் புன்செய் செழித்திடவே,
வீடும் குடியும் விளங்கிடவே,
விற்கும் பொருள்கள் மலிந்திடவே.
ஆடும் தில்லை யம்பலவன்
அருளை வேண்டும் தைப்பொங்கல்
பாடும் புலவர் நாவிலெழு
பாக்கள் போலப் பொங்குகவே! | |
|
|