Untitled Document | | 7. கருடாஸ்திரப் படலம் | | 1397 | | என்று மருமகன் இயம்பிய மொழிகளை
மாமன் கேட்டு, மனமிக நொந்து
"நல்ல தப்பா! நாகாஸ் திரங்கள் |
| 515 | | இத்தனை தானோ! இனிவே றுண்டோ?
உன்னைச் சொல்ல ஒருகுறை யில்லை.
கலியன் முற்றின காலமி தல்லவோ?
என், மாமனார் இறந்து வருஷம்எட் டாக
யான்படும் பாடெலாம் யாரே அறிபவர்! |
| 520 | | நாலாண் டாக நல்ல விளைவிலை;
செலவு கழிந்ததே தெய்வச் செயலாம்;
அடைமழை யாலே அழிந்ததோர் வருஷம்;
வெயிலின் கொடுமையால் வெந்ததோர் வருஷம்
போன ஆண்டில் பொலியே இல்லை, (வருஷம்); |
| 525 | | கொக்குநோய் விழுந்து குடியைக் கெடுத்தது;
கார்விளை வில்லை, பசானம் கரிந்தது;
விளைவிலை யாயினும் வீட்டுச் செலவில்
ஒருகுறை யேனும் உண்டோ? அப்பா!
பிள்ளைப் பேறும் பிறந்த நாளும் |
| 530 | | இல்லா வருஷம் இல்லையே, அப்பா!
குடும்பச் செலவுகள் கூறி முடியுமோ?
ஒன்றா? இரண்டா? ஒன்பதா? பத்தா?
ஆண்டு தோறும் ஆலடி மாடன்
கொடைக்கு ரூபாய் கொஞ்சமா செல்லும்? |
| 535 | | போன கொடைக்குப் புதிதாய் வந்த
வில்லுக் காரி வீரும் மைக்கு
நாலு சேலையும் ரூபாய் நாற்பதும்
கொடுத்தது நீயும் கூடி யல்லவா?
எனக்கு, |
| 540 | | சல்லடம் கச்சை தைக்க மாத்திரம்
ஐம்பது ரூபாய்ஆச்சுதே, அப்பா! | | |
|
|