Untitled Document
| 1000 | | இயல்பாய்த் தானோ (யாதோ அறியேன்)
மேல வீட்டிருந்து வெள்ளையம் பிள்ளை
அண்ணனும் அப்பொழுது அங்கு வந்து,
'யார்இவன்' என்றனர்; 'இன்னார்' என்றோம்;
சம்மனைப் படித்துச் சங்கதி யறிந்து என் |
| 1005 | | புருஷனை நோக்கி, "போனதெல்லாம்
போகட்டும், ஐயா! பொய்கைப் பற்றில்
ஆறு தடியும், அணஞ்சி விளையும்
துலுக்கன் தோப்பும், தொட்டிச்சி மேடும்,
மேலத் தெருவில் மேடை வீடும், |
| 1010 | | ஈரணை ஏரும், ஏழு பசுவும்,
யாதொரு கடனும் இல்லா மல், நீர்
இருக்க மட்டும் யாப்பிய மாகவும்
அப்பால் அவற்றைஉம் அருமை மக்கள்
ஒன்று விடாது உகந் துடைமை யாகவும் |
| 1015 | | எடுத்துக் கொள்ள ஓர் ஓலை யெழுதி
உம்மை மக்களோடு ஒதுக்கி விடுவரேல்,
வாங்கிக் கொண்டு வழக்கில் லாமல்
சும்மா இருப்பது மெத்த சுகமாம்.
இப்படி ராஜி எழுதிக் கொடுக்க |
| 1020 | | உமக்குச் சம்மத முண்டோ? சொல்லும்,
வியாச்சிய மென்னும் சுழியில் விழுந்து
கறகற வென்று கறங்கி மயங்கி,
கைப்பொருள் இழந்து கடனும் வாங்கி
வீணாய்த் துன்பம் விளைத்திட வேண்டாம், |
| 1025 | | அல்லலை விருந்துக்கு அழைத்திட வேண்டாம்!
தொல்லைக்குத் தூதுசொல்லிட வேண்டாம்!
ஐயோ! கோர்ட்டுக்கு ஆரே போவார்!
ஐயோ! கோர்ட்டுக்கு ஆரே போவார்!
பண்டொரு நீதிபதி, தம் கோர்ட்டு |
| 1030 | | வாயிலின் வந்த மனித ரெல்லாம்,
உடைந்த ஓட்டை ஒருகையி லேந்தி |
| |
|
|