Untitled Document
| 1065 | | உப்போ புளியோ ஒன்று மில்லை,
உச்சிக்கு எண்ணெய் ஒரு துளி யில்லை,
தொட்டில் கட்டத் துணியு மில்லை,
காந்தி மதிக்குக் கண்டாங்கி யில்லை,
எனக்கும் வேட்டி யாதொன்றுமில்லை; |
| 1070 | | இப்படி யிருக்க, எப்படி உமக்காய்
கோர்ட்டில் மொழிநான் கொடுக்கவருவேன்?'
என்று சொல்லி, எத்தனை பணத்தைத்
தட்டிப் பறித்தான் சண்டாளன், அப்பா!
முளைய நல்லூர் முதல்பிடிப் பிள்ளை |
| 1075 | | அண்ணனும் இப்படி யாகக் காரணம்,
விளாத்திக் கோண விவகார மல்லவோ?
எத்தனை வகையை இழந்தார், அப்பா!
மூக்கரை யன்விளை மூலையில் நிற்கும்
பலாமர மொன்றுமே பத்துக் குடும்பம் |
| 1080 | | தாங்கி, மீதியும் தருமே, அப்பா!
அந்த
மதினி கழுத்தில் மங்கிலியம் தவிர
எல்லா நகையும் இறக்கி விட்டாளே!
ஒவ்வொரு காதிலும்உழக்குழக் குப்பொன் |
| 1085 | | இட்டிருந் தாளே! எல்லாம் போச்சே!
ஆளும் வேற்றாள் ஆகி விட்டதே
கருந்தாளி உலக்கை கையில் எடுத்து அவள்
கோவில் நெல்லைக் குத்துவாள் என்று
யாவ ராயினும் எண்ணினது உண்டா? |
| 1090 | | என்ன செய்வாள், ஏழை! பாவம்!
நட்டியும் குட்டியும் நாழியும் உழக்குமாய்
ஏழு மக்களை எப்படி வளர்ப்பாள்?
கோர்ட்டு வழக்குக் கொஞ்சமா செய்யும்?
இதுவும் செய்யும், மேல் எதுவும் செய்யும்; |
| 1095 | | கட்டுக் கட்டாய்க் காய்கறி யனுப்பவும்,
வல்லம் வல்லமாய் மாம்பழம் அனுப்பவும், |
| |
|
|