| 1431 | | பாடு படவழி காட்டும் பாகம் - கல்விப்
பட்டங்கள் பெற்றிடச் செய்யும் பாகம்,
கூடிய சோம்பலை ஓட்டும்பாகம் - நீங்கள்
கூறும் தனித்தனிப் பாகம், ஐயா! |
| 1432 | | இட்டமாய் யாவரும் வேண்டும் பாகம் - எம்மை
இராசாக்க ளாக்கி இருந்தும் பாகம்;
கட்டமெலாம் அற நீக்கும் பாகம் - நாங்கள்
காட்டும் தனித்தனிப் பாகம், ஐயா! |
| 1433 | | வாழ்வின் பொறுப்பை உணர்த்தும் பாகம் - எம்மை
வம்பு வழக்குகள் போக்கும் பாகம்;
தாழ்வினை யெல்லாம் அகற்றும் பாகம் - நாங்கள்
சாற்றும் தனித்தனிப் பாகம், ஐயா! |
| 1434 | | வோட்டுக் குரியவ ராக்கும் பாகம் - எம்மை
ஊரார் மதித்திடச் செய்யும் பாகம்;
நாட்டுக்கு நல்வழி காட்டும் பாகம் - நாங்கள்
நாட்டும் தனித்தனிப் பாகம், ஐயா! |
| 1435 | | செம்பாக மாகிய பாகம் இது; - காலம்
சென்றாலும் கைத்திடாப் பாகம் இது;
வம்பாக நீர்கெட்டுப் போக வேண்டாம் - எங்கள்
வார்த்தையில் நம்பிக்கை கொள்ளும் ஐயா! |
| 1436 | | சாட்சி களைத்தேடி ஓடவேண்டாம் - வக்கீல்
சாமிக்குத் தட்சிணை வைக்க வேண்டாம்;
ஆட்சிப் பொருளெலாம் விற்கவேண்டாம் - ஏழை
ஆண்டி பரதேசி யாக வேண்டாம். |
| 1437 | | கோர்ட்டு வாசல் சென்று காக்க வேண்டும் அங்கே
குள்ள நரிபோல நிற்கவேண்டாம்;
ஏட்டுக் குமஸ்தாவைக் காண வேண்டாம் - ஜட்ஜி
ஏச்சுக் கேட்டுள்ளம் எரிய வேண்டாம். |
| 1438 | | ஊர்வகை ஆயிரம் கோட்டை நிலம் - பக்கத்து
உள்ளதனால் எமக்கு என்ன பயன்?
ஓர்பிடிச் சோற்றுக்கு உதவிடுமோ? - அதன்
உண்மையும் நீர் அறியாததுவோ? |