| 1504 | | தேடும் இடங்களெல்லாம் - ஓய்வு
தேடியும் காணாமல்
ஓடி ஓடி அலையும் - காற்றின்
ஒலியே நாங்கள், ஐயா! | 60 |
| 1505 | | ஆன்ற புவிவாழ்வும் - எண்ணில்
அற்ப வாழ்வேயாம்;
தோன்றும் ஒருமூச்சாம் - புயலாம்
சூறா வளியேயாம். | 61 |
| 1506 | | இந்த உயிர்களெல்லாம் - பிறக்கும்
இடமும் எவ்விடமே?
இந்த உயிர்களெல்லாம் - மீள
ஏகும் இடம் எதுவோ? | 62 |
| 1507 | | எங்கிருந்து வந்தோம்? - நாங்கள்
எதனுக் காகவந்தோம்?
இங்கிவ் உண்மையெலாம் - அறிவார்
எவரு மேயுண்டோ? | 63 |
| 1508 | | ஒத்த பிறப்பாகும் - நாங்களும்
உங்களைப் போல,
சுத்த சூனியத்தில் - நின்று
தோன்றிய ஆவிகளாம். | 64 |
| 1509 | | மாறி வருந்துயரால் - இன்ப
வாழ்வே நமக்கு இல்லை;
தேறும் அறிஞனே நீ - உண்மை
தெரியக் கூறுகின்றோம். | 65 |