| 1510 | | நித்திய ஆனந்தத்தை - அரசே!
நீயும் அடைவதுண்டோ?
சித்தத் தெளிவுடையாய் - சிறிது
சிந்தனை செய்திடுவாய். | 66 |
| 1511 | | அன்பு இருக்குமெனில் - அதிலும்
அளவ றியவொண்ணா
இன்பம் எய்திடலாம் - ஐயம்
யாது மேயில்லை. | 67 |
| 1512 | | கண்ட வாழ்விதுதான் - நிலையாக்
காற்றின் வாழ்வேயாம்;
கொண்ட தந்தியின்மேல் - எழும்
குரலே போன்றதுவாம். | 68 |
| 1513 | | சால வேஉலகம் - துயரால்
தளர்ந்து வாடுதையா!
மாலை மாலையாக் - கண்ணீர்
வடிய விடுகுதையா! | 69 |
| 1514 | | வாழ்வு மாயமெனும் - உண்மை
மனத்திற் கொள்ளாமல்,
நாளும் நைந்திடுதல் - எமக்கு
நகைப்பே தருகுதய்யா! | 70 |
| 1515 | | நீல மேகந்தான் - ஆணையால்
நிலையில் நின்றிடுமோ?
தாலத் தோடும்நதி - கையால்
தடுக்க மாறிடுமோ? | 71 |
| 1516 | | துன்பச் சுழியிலே - விழுந்து
சுழலும் உலகத்தை
இன்பக் கரையேற்ற - நீயும்
இரங்கிட வேண்டும். | 72 |
| 1517 | | வையம் முழுவதையும் - காக்க
வந்திங் கவதரித்த
ஐயனே! ஆளுதற்குக் - காலம்
அணுகி வருகுதைய்யா! | 73 |