Untitled Document
| 335 | | பச்சிலையும் கனியும் - நிறைந்து
படர்ந்து வளர் ஆலின்
உச்சியிற் சென்றிருந்தால் - எப்படியான்
உன்னையும் கண்டிடுவேன்? |
| 336 | | நாடும்என் உள்ளத்திலே - குடிபுகும்
நாயகி கையமர்ந்து,
பாடி அமுதளிக்கும் - அழகிய
பைங்கிளி நீயலவோ? |
| 337 | | பூனைகள் இங்குவாரா - வேடர்தம்
பொறியின் பயமும் இல்லை;
யானுனைக் காத்திடுவேன் - இறங்கிநீ
என்கையில் வந்திடாயோ? |
| 338 | | வட்டமா யுன்கழுத்தில் - ஒருநாளும்
வாடாத ஆரமதை
இட்டவர் ஆரடியோ? - எனக்கும்
இயம்புவையோ? கிளியோ! |
| 339 | | மாணிக்க மூக்கழகும் - மரகத
வர்ண வடிவழகும்
காணக்கண் ணாயிரந்தான் - இருப்பினும்
கண்டு முடிந்திடுமோ? |
| 340 | | கத்திரி போலவெட்டிக் - கனியினைக்
கௌவி யெடுத்தோடச்
சித்திர வாயளித்த - கடவுள்
திருவருள் சற்றோ, அம்மா! |
| 341 | | சாய்ந்து தலைவணங்கி - இனிய
தமிழைநீ கற்குமுறை,
ஆய்ந்த புலவருமே - எழுதி
அயர்ந்துகை சோர்வார், அம்மா! |
| 342 | | பறக்கச் சிறகிருந்தும் - மரக்கினை
பற்றிநீ ஏறுவதேன்?
திறத்தை உலகினுக்கு - மிகவும்
தெரிவிக்கவோ? கிளியே! | |
|
|