Untitled Document
| 398 | | பானையைக் காலை திறந்தவுடன் - அந்தப்
பாட்டியின் பக்கமாய் வந்தஒரு
பூனை எலியினைக் கண்டதடா! - ஓடிப்
போய்அதைக் கௌவியே சென்றதடா! |
| 399 | | கள்ள வழியினிற் செல்பவரை - எமன்
காலடி பற்றித் தொடர்வானடா!
உள்ள படியே நடப்பவர்க்குத் - தெய்வம்
உற்ற துணையாக நிற்குமடா! |
| | 61. அப்பம் திருடின எலி | | 400 | | செட்டியார் வீட்டில் அடுக்களையில் - சென்ற
தீபா வளியின் றிரவுதனில்,
வட்டியில் அப்பம் இருந்ததம்மா - அதை
வாசத்தி னால்அறிந் தோர்எலிதான். |
| 401 | | 'நெய்யினில் சுட்ட பணியாரம் - இது
நேர்த்தியாய்ச் சுட்ட பணியாரம்,
பையப் பையக்கடித் துண்பதற்கும் - வெகு
பக்குவமான பணியாரம். |
| 402 | | யார்க்கும் கிடையாப் பெருநிதியாம் - இதை
யான் இன்று பெற்றதென் பாக்கியமே;
பார்க்கும் பொழுதேநீர் வாயினிலே - ஊறிப்
பாய்கின்றதே பசி யாகின்றதே.
(அப்போது வேறு சில எலிகள் சத்தமிடக் கேட்டு:) |
| 403 | | 'என்ன சத்தம்! ஓ! ஓ! தம்பிமார்கள் - கூடி
இங்கு விளையாட வந்தனரோ?
அனைவர் ஓடி வருமுன்னமே - யானும்
அப்பத்தைக் கொண்டு மறைந்திடுவேன். |
| 404 | | 'ஏதும் ஒருபொடி யாகிலும் - யான் அவர்க்கு
ஈந்திடேன்; முற்றுமே தின்றிடுவேன்;
ஓதியதானம் தனக்குப்போக - மீதி
உள்ளவர் அல்லவோ செய்திடுவார்?' | |
|
|