Primary tabs
அருள்மிகு சொக்கீஸ்வரர் திருக்கோயில்
கோவில் விவரங்கள் சிறப்புகள் செல்லும் வழி மற்றும் வரைபடம் காட்சிக்கூடம்
Other Names :
ஸ்ரீகௌசிகேஸ்வரர் திருக்கோயில்
Place :
காஞ்சிபுரம்
Taluk :
காஞ்சிபுரம்
District :
காஞ்சிபுரம்
Religious Type :
சைவம்-சிவபெருமான்
Lord Name :
சொக்கீஸ்வரர்
Procession On God :
Mother / Goddess Name :
ஸ்ரீகாமாட்சியம்மன்
Temple Tree :
Tirukkulam / River :
Agamam :
Worship Time :
Festivals :
History :
புராணக் காலத்தில் கௌசிகன் என்னும் முனிவன் வழிபட்டதால் இக்கோயில் “கௌசிகம்“ எனவும், இங்கு வீற்றிருக்கும் இறைவன் “கௌசிகேஸ்வரர்“ எனவும் அழைக்கப்படுவதாக தலபுராணம் கூறுகிறது.
Protecting Company :
தமிழ்நாடு அரசு தொல்லியல் துறையின் கீழ் மரபுச் சின்னமாக உள்ளது. வழிபாட்டில் உள்ளது.
Nearest Temples Arc :
காமாட்சியம்மன் திருக்கோயில், ஏகாம்பரேஸ்வரர் திருக்கோயில், கைலாசநாதர் கோயில், ஜுரஹரேஸ்வரர் கோயில்
Summary :
கி.பி.9-ஆம் நூற்றாண்டைச் சேர்ந்த எளிய அமைப்புடைய காஞ்சிபுரம் சொக்கீஸ்வரர் கோயில் முற்காலச் சோழர் கலைப்பாணியாகும். ஒரு தள விமானத்தைக் கொண்டுள்ளது. விமானம் வட்டவடிவமுள்ளது. விமானத்தின் தலைப்பகுதியில் நான்கு மூலைகளிலும் நந்தி சிலைகள் அமைந்துள்ளன. தாங்குதளத்தில் உபானம், ஜகதி, குமுதம், கம்பு, பட்டிகை போன்ற தாங்குதள உறுப்புகள் நன்கு அமைக்கப்பட்டுள்ளன. தெற்க்கிருந்த நக்கர் கோயில் என்று அழைக்கப்படும் இக்கோயிலில் சோழர்கால கல்வெட்டுகள் காணப்படுகின்றன. அரைத்தூண்கள் அமைந்துள்ள கருவறை விமானத்தின் சுவர்ப்பகுதியில் அமைந்துள்ள தேவகோட்டத்தில் சோழர்கால சிற்பங்கள் உள்ளன. தெற்க்கிருந்த நக்கர் கோயில் என்று இக்கோயில் கூறப்படுவதிலிருந்து இக்கோயிலின் தென்புறத்தில் பிச்சையேற்கும் பெருமானின் (பிட்சாடனர்) சிற்பம் அமைக்கப்பட்டிருக்கலாம் எனத் தெரிகிறது. முற்காலச் சோழர் கோயில்களில் தென்புறத்தில் பிச்சையேற்கும் பெருமானை வைப்பது வழக்கமாகும். பல முற்காலச் சோழர் கற்றளிகளில் இச்சிற்பத்தைக் காணலாம்.
Period / Ruler :
கி.பி.9-10ஆம் நூற்றாண்டு / உத்தம சோழன்
Inscription / Copper :
சொக்கீஸ்வரர் திருக்கோயில் சோழமன்னன் கண்டராதித்தன் மகனும் செம்பியன் மாதேவி திருவயிற்றில் உதித்தவனுமாகிய உத்தமசோழனால் கி.பி.985-இல் எடுப்பிக்கப்பட்டது என்று இங்குள்ள கல்வெட்டு கூறுகிறது. இக்கோயிலை “தெற்க்கிருந்த நக்கர் கோயில்“ என்று கல்வெட்டொன்று குறிப்பிடுகிறது. நக்கர் என்பது சிவபெருமானின் பிட்சாடனர் கோலத்தைக் குறிப்பதாகும்.
Murals :
இல்லை
Sculptures :
கருவறையில் இலிங்கம் காணப்படுகின்றது. சோழர்காலச் சிற்பங்களாக தென் அர்த்தமண்டபக் கோட்டத்தில் கணபதியும், தென் தேவகோட்டத்தில் ஆலமர்ச்செல்வனும் அமைந்துள்ளனர். இக்கோயில் கருவறை விமானத்தின் தலைப்பகுதியின் (சிகரம்) கீழே வேதிப்பட்டை என்னும் பூமிதேச உறுப்பில் உள்ள நந்தியின் கற்சிலைகள் மிகவும் எழில் வாய்ந்தவை.
Temple Structure :
காஞ்சிபுரம் காமாட்சியம்மன் கோயில் அருகில் இக்கோயில் அமைந்துள்ளது. இது சோழர் காலத்துக் கற்றளியாகும். இக்கோயில் தாங்குதளத்திலிருந்து உச்சிவரையில் கருங்கல்லால் கட்டப்பட்ட ஒற்றைத் தள கற்றளியாகும். விமானத்தின் உச்சி தலைப்பகுதி வட்டவடிவில் அமைந்துள்ளது. எனவே வேசரபாணியாகும். இக்கோயில் கருவறை, அர்த்தமண்டபம், முகமண்டபம் ஆகிய பகுதிகளைக் கொண்டு எளிமையாக எடுக்கப்பட்டுள்ளது. உத்தமசோழன் காலத்துக் கலைப்பாணிக்கு இக்கோயில் சிறந்த சான்றாகத் திகழ்கிறது.
Location :
சொக்கீஸ்வரர் கோயில், சிவக்காஞ்சி-631 502, காஞ்சிபுரம்
Phone :
Website :
Email :
Temple Opening Time :
காலை 8.00 முதல் மாலை 5.00 வரை
Way :
சென்னையிலிருந் 75 கி.மீ. தொலைவில் உள்ள காஞ்சிபுரத்தில் சிவக்காஞ்சியில் காமாட்சி அம்மன் கோயிலுக்கு அருகே இக்கோயில் அமைந்துள்ளது.
Nearby Bus Station :
காஞ்சிபுரம்
Nearby Railway Station :
செங்கல்பட்டு, திருமால்புரம்
Nearby Airport :
சென்னை மீனம்பாக்கம்
Accommodation :
காஞ்சிபுரம் விடுதிகள்
Tags :
சாலை வரைபடம்
Temple Gallery
-
சொக்கீஸ்வரர் கோயில் முழுமையானத் தோற்றம், சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் தாங்குதளம் (அதிட்டானம்) முழுமையானத் தோற்றம், சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் நுழைவுவாயில், சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் கருவறை விமானத்தின் சுவரில் உள்ள தேவகோட்ட அமைப்பும் தோற்றமும், சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் கருவறை விமானத்தின் தாங்குதளம் மற்றும் சுவர் அமைப்பும் தோற்றமும், சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் கருவறை விமானத்தின் கூரைப்பகுதியும் (பிரஸ்தரம்), விமானத்தின் தலைப்பகுதியும் (சிகரம்), சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் வளாகம், சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் தமிழ்நாடு அரசு தொல்லியல் துறை தகவல் பலகை, சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு
-
சொக்கீஸ்வரர் கோயில் பெயர் பலகை, சொக்கீஸ்வரர் கோயில், காஞ்சிபுரம், கி.பி.9-ஆம் நூற்றாண்டு