Primary tabs
விளம்பரங்கள், விற்பனையைப் பெருக்குவதற்காகவும், புகழ்,
பெயர், மக்கள் நன்மை, நுகர்வோர் நலன் போன்ற பல
காரணங்களுக்காகவும் இதழ்களில் வெளியாகின்றன.
அந்தந்த
நேரத்திற்கேற்பப் பலதரப்பட்ட வயதினரையும் கவரும்
வகையில் விளம்பரங்கள்
வருகின்றன. நுகர்வோர் யார்
என்பதையும் மனத்திற்கொண்டே விளம்பர உத்தியும் நடையும்
பயன்படுத்தப்படுகின்றன.
விளம்பரங்கள், தகவல்களைப் பொதுவாக ஆணித்தரமாக
அழுத்திச் சொல்வதை ஓர் உத்தியாகக்
கையாள்கின்றன.
எடுத்துக்காட்டு:
பரிபூரண சக்தி
முழுமையான வெண்மை
அதிரடித் தள்ளுபடி.
ஆரோக்கியமும் அவ்விடமே’
‘ஹமாம் பாதுகாப்பளிக்கிறது’
‘மணம், நிறம், திடம் நிறைந்த திரி ரோஸஸ்’
‘வலுவான பற்களுக்கு கோல்கேட்’
சில விளம்பரங்கள் பொதுவாகச் சில வார்த்தைகளில்
சுருக்கமாக அமையும்.
எடுத்துக்காட்டு:
Connecting People - Nokia
நாம் இருவர், நமக்கு ஒருவர்
Made for each other - Wills
கொசுக்களின் எமன் - All out
Complete Man- Raymonds
விளம்பரங்கள் சில சமயங்களில் முரண்தொடை
உத்தியைக் கையாளுகின்றன.
World’s Local Bank HDFC
பின்னோக்கி அடித்து முன்நோக்கிச்சென்றவன்
(மார்க்கோபோலோ)
விளம்பரங்கள் பொதுவாக, தொடர்புள்ள சொல், கருத்து
ஆகியவற்றைக் கொண்டு
வருகின்றன.
இனிய சுவை உதயம், புதிய சன்ரைஸ்
இவ்வாறு, விளம்பரங்கள் நுகர்வோரை வரையறைப்படுத்தி
வெளியாகின்றன.
குழந்தைகள் பயன்படுத்தும் பொருட்களுக்கான
விளம்பரங்கள் தாய்மார்களைக் கவரும் வகையில்
உள்ளன.
எடுத்துக்காட்டு:
விப்ரோ
செரலாக்ஸ், லாக்டோஜன்
உட்வர்ட்ஸ்
காம்ப்ளான்
பெரியவர்கள் பயன்படுத்தும் பொருள் குழந்தையை
வைத்து விளம்பரப்படுத்தப் படுகின்றது.
எடுத்துக்காட்டு: ஹூடி பாபா
சில பொருட்கள் தாய்நாட்டுப்பற்று அடிப்படையில்
விளம்பர உத்தி
கொண்டுள்ளன.
எடுத்துக்காட்டு:
சியாராம்ஸ் (திரும்பி வா நீ)
ASHO TEX - Washing Machine
Very very Indian very very good
என்று ஜப்பானியர் சொல்வதாக அமைவது.
இதுபோல் எத்தனையோ உத்திகள்,
நடைகள்,
விளம்பரங்களில் பயன்படுத்தப்படுகின்றன.