அயலகத்திலிருந்து அன்னைத் தமிழ் கற்கும் அன்பு மாணவ மாணவியரே ! வணக்கம் ! வாழிய நலம் !

முன் வகுப்பில் கற்ற இலக்கணப் பகுதிகளை மீண்டும் நெஞ்சில் நிறுத்தி நினைவில் அசைபோடுங்கள் !

இலக்கு + அண் + அம் = இலக்கணம்.

மொழியைக் கற்றுக் கொள்ளும் இலக்கினை அடைய உதவுவது இலக்கணம். பிழையறப் பேசுதல், பிழையற எழுதுதல் ஆகியவை மொழி கற்றலின் இலக்கு.

எழுத்து, சொல், பொருள், யாப்பு அணி - தமிழ் இலக்கணப் பிரிவுகள்.

ஒலிக்க வேண்டிய கால அளவு

குறில் - 1 மாத்திரை

நெடில் - 2 மாத்திரை

மெய்யெழுத்துகள் - 1/2 மாத்திரை

எழுத்தை ஒலிக்க வேண்டிய கால அளவினை மாத்திரை என வழங்குவர்.

கண் இமைப்பதற்கும், விரலை நொடிப்பதற்கும் உரிய கால அளவு மாத்திரை.