13. எழுத்து - சொல்

எழுத்து - சொல்

பயிற்சி - 4
Exercise 4


IV கீழ்க்காணும் வினாக்களுக்கு ஒரு வரியில் விடை தரவும். விடை காண விடைத் தொடர்பை அழுத்தவும்.
Answer the following questions in a line each: For answers, press the answer button.
1.  மொழி கற்றலின் இலக்கு யாது?

பிழையறப் பேசுதல், பிழையற எழுதுதல் ஆகியவை மொழி கற்றலின் இலக்கு..

2.  சொல் என்றால் என்ன?

ஓரெழுத்துத் தனித்து நின்றோ ஒன்றுக்கு மேற்பட்ட எழுத்துகள் தொடர்ந்து நின்றோ பொருள் தருவது சொல் எனப்படும்.

3.  மாத்திரை என்றால் என்ன?

தமிழில் எழுத்துகளை ஒலிப்பதற்கு உரிய கால அளவு மாத்திரை எனப் பெறும்.

4.  வினா எத்தனை வகைபெறும்?

வினா ஆறு வகைபெறும்.

5.  விடை எத்தனை வகைபெறும்?

விடை எட்டு வகைபெறும்.

6.  பொருள்கோள் என்றால் என்ன?

முகம்பொருள்கொள்வதற்கு ஏற்ப, செய்யுளில் உள்ள சொற்களை மாற்றியமைத்துக் கொள்ளுதல் பொருள்கோள் எனப்பெறும்.

7.  மூன்றாம் வேற்றுமை உருபுகள் எவை?

ஆல், ஆன், ஒடு, ஓடு என்பன மூன்றாம் வேற்றுமை உருபுகள்.

8.  ஆகுபெயர் என்றால் என்ன?

ஒரு பொருளின் இயற்பெயர், அதனோடு தொடர்புடைய மற்றொரு பொருளுக்குத் தொன்றுதொட்டு ஆகிவருவது ஆகுபெயர் எனப் பெறும்.

9.  நான்காம் வேற்றுமை உருபு எது?

நான்காம் வேற்றுமை உருபு 'கு'.

10.  இரண்டாம் வேற்றுமை உருபு எது?

இரண்டாம் வேற்றுமை உருபு 'ஐ'.