எழுதும் முறைகளுள் மிகவும் கவனித்தற்பாலன இடம்விட்டு எழுதுதலும் சேர்த்து எழுதுதலும் ஆகும்.

பொருள் உணர்வுக்கு ஏற்ப, வரிக்குவரி இடம்விட்டு எழுதுதல் வேண்டும். பத்திக்குப் பத்தி இடைவெளிவிட்டுத் தொடங்குதல் வேண்டும்.

சொற்களுக்கு இடையே இடம்விட்டு எழுதுதலையும் சேர்த்து எழுதுதலையும் பற்றி இப்பகுதியில் அறிந்து கொள்க.

பாரதியார் என்று சேர்த்து எழுத வேண்டியதைப் பாரதி யார் என இடம்விட்டு எழுதின் ஏற்படும் பொருள் மாற்றத்தை நீங்கள் அறிவீர்கள்!

“அவள் அக்காள், வீட்டிற்குச் சென்றாள்” என்னும் தொடருக்கும் “அவள், அக்காள்வீட்டிற்குச் சென்றாள்” என்னும் தொடருக்கும் (இடம் விட்டு எழுதுவதால் ஏற்பட்டுள்ள) பொருள் வேறுபாட்டை அறிந்து கொள்க.

“மூலநட்சத்திரத்தில் பிறந்தான்” என்பதை “மூல நட்சத்திரத்தில் பிறந்தான்” - என இடம்விட்டு எழுதுவதால் தோன்றும், நகைச்சுவைப் பொருளை யாவரும் அறிவோம்.

எனவே, இடம்விட்டு எழுத வேண்டியதை இடம்விட்டு எழுதவும், சேர்த்து எழுத வேண்டியதைச் சேர்த்தும் எழுதிடவும் வேண்டும் என்பதையும் அறிந்து நினைவில் கொள்க.

எழுதும்போது கருத்தில் கொள்ள வேண்டிய முறைகள்:-

1. பண்புத்தொகை, வினைத்தொகை முதலானவை ஒருசொல் நீர்மைத்து. எனவே, அவற்றைப் பிரித்து எழுதுதல் கூடாது.

எடுத்துக்காட்டு :

செந்தமிழ்	(சரி)
செந் தமிழ்	(தவறு)	- பண்புத்தொகை
சுடுசோறு	(சரி)
சுடு சோறு	(தவறு)	- வினைத்தொகை

2. வேற்றுமை உருபுகளைப் பிரித்து எழுதல் கூடாது.

எடுத்துக்காட்டு :

தாயோடு அறுசுவைபோம்	(சரி)
தாய் ஓடு அறுசுவைபோம்	((தவறு)	ஓடு வேற்றுமையுருபு

3. இடைச்சொற்களைச் சேர்த்து எழுதுதல் வேண்டும்.

எடுத்துக்காட்டு :

சான்றோரும் உண்டுகொல்?	(சரி)
சான்றோரும் உண்டு கொல்	(தவறு)	கொல் இடைச்சொல்

4. “துணை வினையைச்” சேர்த்து எழுதுதல் வேண்டும்.

எடுத்துக்காட்டு :

சென்றுவிடு	(சரி)
சென்று விடு	(தவறு)	‘விடு’ - துணைவினை
மறந்துவிட்டாள்	(சரி)
மறந்து விட்டாள்	(தவறு)	‘விட்டாள்’ - துணைவினை

5. 'உடம்படு மெய்களைச்' சேர்த்து எழுதுதல் வேண்டும்.

எடுத்துக்காட்டு :

காண + இல்லை	= காணவில்லை	(சரி)
	காண இல்லை	(தவறு)	‘வ்’ - உடம்படுமெய்
நிலா + ஒளி	= நிலாவொளி	(சரி)
நிலா ஒளி	(தவறு)	‘வ்’ உடம்படுமெய்

6. ‘கள்’ விகுதியைப் பிரிக்காமல் எழுதுதல் வேண்டும்.

எடுத்துக்காட்டு :

மரங்கள் நட்டார்	(சரி)
மரங் கள் நட்டார்	(தவறு)	‘கள்’ விகுதி
பூனைகள் குடித்தன.	(சரி)
பூனை கள் குடித்தன.	(தவறு)	‘கள்’ விகுதி

அன்பு மாணவ மாணவியரே!

மேற்கூறியவை தவிர, எழுதும்பொழுது கவனத்திற் கொள்ள வேண்டிய சில பொது முறைகளையும் அறிந்து கொள்க. அவையாவன:

• தாளின் தலைப்புறம், அடிப்புறம், இடப்புறம் ஆகியவற்றில் குறைந்தது ஓர் அங்குலம் இடம் விட்டு எழுதுக.

• பத்தி தொடங்கும்பொழுது, மற்ற வரிகளைக் காட்டிலும் சிறிது தள்ளிப் பத்தியைத் தொடங்குக.

• தலைப்புகளை மையத்தில் எழுதுக.

• முற்றுப்புள்ளி, வினாக்குறி, வியப்புக் குறிகள் வருங்கால் சிறிது இடைவெளி விட்டு அடுத்த வாக்கியத்தைத் தொடங்குக.

• செய்யுள்களை எழுதும்பொழுது, சீரும் அடியும் பிறழாமல் எழுதுதல் வேண்டும். ஒரு சீருக்கும் அடுத்த சீருக்கும் இடைவெளிவிட்டு எழுதுதல் வேண்டும்.

நம் தமிழ் மொழியில் ல-ள-ழ; ர-ற; ன-ண-ந; முதலான வரிவடிவங்களை ஒலிக்கும் பொழுது முறையாக ஒலிக்க வேண்டும். அவ்வாறு ஒலிக்காவிடில் பொருள் தடுமாற்றமும் ஏற்படும்.

இவை, இதுவோ அதுவோ என்ற மயக்கம் தரும் ஒலிகள். ஆதலால், இவற்றை மயங்கொலிகள் என வழங்குவர்.

முதலில் ல-ள-ழ ஆகியவற்றின் ஒலிவேறுபாடு அறிந்து ஒலிக்க. அவ்வாறு ஒலிக்காவிடில் எழுதுவதிலும் தடுமாற்றம் வரும்; பொருளும் வேறுபடும் என்பதைக் கீழ்க்காணுமாறு அறிந்து பயன்படுத்துக.

II. அடுத்து, ர-ற ஒலிவேறுபாடு அறிந்து ஒலிக்கவும். பொருள் வேறுபாடு அறிந்து பயன்படுத்தவும். கீழ்க்காணும் முறையில் அறிந்து கொள்க:-

இவை போல்வனவற்றையும் கண்டறிந்து பயன்படுத்துக.

III. ந-ண-ன ஒலி வேறுபாடு அறிந்து முறையாக ஒலிக்கவும், பொருள் வேறுபாடு உணர்ந்து பயன்படுத்தவும் கீழ்க்காணும் முறையில் அறிந்து கொள்க.

இவை போல்வனவற்றைக் கண்டறிந்து பயன்படுத்துக.

மரபு

அன்புக்குரிய மாணவ மாணவியரே !

‘நம் முன்னோர்கள், எப்பொருளை, எச்சொல்லால் இயம்பினரோ, அப்பொருளை அச்சொல்லால் இயம்புதல் அல்லது வழங்குதல்' மரபு எனப்படும்.

அம்மரபுகள் சிலவற்றைத் தெரிந்து கொள்க.

அ) பறவை - விலங்குகளின் ஒலி மரபுகள்

ஆ) பறவை, விலங்குகளின் இளமைப் பெயர்கள்

இ) தாவர உறுப்புகள் பற்றிய மரபுகள் :

ஈ) பறவை - விலங்குகளின் உறைவிட மரபுகள் :

உ) பெயருக்கு ஏற்ற வினை

எப்பொருள் எச்சொலின் எவ்வாறு உயர்ந்தோர்

செப்பினர் அப்படிச் செப்புதல் மரபே - (நன்னூல்-388)

கருத்து வகை வாக்கியம்

அமைப்பு வகை வாக்கியம்

ஒரே கருத்தைப் பல வடிவ வாக்கியங்களில் அமைத்தல்

அன்பு மாணவர்களே! ஒரே கருத்தைப் பலவித வாக்கியங்களில் அமைத்து எழுதுவது ஒரு சிறந்த மொழித் திறன். அதனை அறிந்து கொள்க.