செய்யுள் உறுப்புகள்

பொருள் பொருந்துமாறு கட்டப்படும் செய்யுளில் உள்ளடங்கும் உறுப்புகள் பல உள்ளன. அவற்றை ஆறு பெயர்களில் பிரித்து வழங்குவர்.

எழுந்து வரும் ஒலிகளை எழுதுவது - எழுத்து.

எழுத்துகள் சேர்ந்து அசைக்கப்பெறுவது - அசை.

அசைகள் தனித்தும் சேர்ந்தும் சீராக அமைவது - சீர்.

முதல் சீரையும் அடுத்தச் சீரையும் சேர்த்துக் கட்டுவது - தளை.

பல சீர்கள் வரிசையாக அமைவது - அடி அல்லது வரி.

வரிகளுக்குள் அமையும் ஒழுங்குமுறை - தொடை.

எழுத்து

செய்யுள் உறுப்புகளில் முதலாவதாக அமைவது எழுத்து ஆகும். முந்தையப் பாடங்களில் நாம் கற்றுணர்ந்த முதல்எழுத்து, சார்பெழுத்து, உயிர், மெய், உயிர்மெய், குறில், நெடில், சுட்டு, வினா முதலானவையே எழுத்துத் தொடர்பான இலக்கணக் கூறுகளாகும்.

அசை

செய்யுளில் அமையும் சொற்களை ஒருவகை இலக்கணக் கட்டுக்கோப்புடன் பிரித்துக் காணும் யாப்பிலக்கணக் கூறுபாடே அசை எனப்படும்.

நிலை - 1

கீழ்க்காணும் எடுத்துக்காட்டுகளை உற்று நோக்குக.

இனி, இலக்கண வரையறையைக் காண்போம்.

குறில் தனித்து வரினும், குறில் ஒற்றுடன் சேர்ந்து வரினும், நெடில் தனித்து வரினும், நெடில் ஒற்றுடன் வரினும் அவற்றை நேரசை என்பர்.

நிலை - 2

கீழ்க்காணும் எடுத்துக்காட்டுகளைக் கூர்ந்து நோக்குக.

இனி, இலக்கண வரையறையைக் காண்போம்.

இரு குறில் இணைந்து வரினும், இருகுறில் இணைந்து ஒற்றுடன் சேர்ந்து வரினும், குறிலும் நெடிலும் இணைந்து வரினும், குறிலும் நெடிலும் இணைந்து ஒற்றுடன் சேர்ந்து வரினும் அவற்றை நிரையசை என்பர்.

சீர்

நேர், நிரை என்னும் இருவகை அசைகளும் தனித்தும் சேர்ந்தும் இடம் பெறுவது சீர் எனப்பெறும். அது ஓரசைச்சீர், ஈரசைச்சீர், மூவசைச்சீர், நாலசைச் சீர் என நான்கு வகைபெறும்.

மேலே கண்ட நேர், நிரை என்னும் இரண்டு அடிப்படை அசைகளைக் கொண்டு பல்வேறு வாய்பாடுகள் உருவாக்கப்பெறுகின்றன.

நிலை - 1

ஓரசைச் சீர்கள் இரண்டு - (நேர், நிரை என்பவையே ஓரசைச் சீர்கள்)

நிலை - 2

ஈரசைச் சீர்கள் நான்கு.

நிலை - 3

நிலை - 4

நிலை - 5 - வெண்பாவின் இறுதியில் அமையும் வாய்பாடுகள்

தளை

யாப்பு இலக்கணத்தின் முதன்மையான உறுப்பு தளை ஆகும். தளை என்னும் சொல்லுக்கு, ‘கட்டுதல்’ என்று பொருள். ஒரு பாடலில், முதல் சீரின் இறுதியையும், இரண்டாம் சீரின் தொடக்கத்தையும் இணைத்துக்காட்டுவதே தளை எனப்பெறும்.

தளை ஏழு வகைபெறும். அவற்றைக் கீழ்க்காணும் அட்டவணை இனிது விளக்கும்.

அடி அல்லது வரி

சீர்கள் தொடர்ந்து அமைவதை அடி என்பர். பேச்சு வழக்கில் வரி என்ற சொல்லாலும் வழங்குகிறோம்.

கீழ்க்காணும் அட்டவணை அடிகளின் வகைகளை நன்கு விளக்கும்.

தொடை

மலர்களைத் தொடுப்பது மாலை ஆகிறது. அவ்வாறே சொற்களைத் தொடுப்பது பாடல் ஆகிறது. அடுத்தடுத்து சொற்களைச் சேர்த்து தொடுக்கப் பெறுவது தொடை எனப்பெறும்.

மோனை, எதுகை, முரண், இயைபு, அளபெடை, அந்தாதி, இரட்டை, செந்தொடை எனத் தொடை எட்டு வகைபெறும்.

தொடை விகற்பம்

தொடை என்பது ஒரு பாடலின் அடிதோறும் காண்பது. அத்தகு நயங்களை ஒரே அடியில் இடமிருந்து வலமாகக் காண்பது தொடை விகற்பம் எனப்பெறும்.

மோனை, எதுகை, இயைபு, அளபெடை, அந்தாதி என்பனத் தொடை விகற்பங்களில் இடம்பெறும்.

முதல் எழுத்து ஒன்றிவரும் மோனை என்னும் தொடை விகற்பத்தைக் கீழ்க்காணும் அட்டவணையில் விளக்கமாகக் காணலாம்.

அலகிடுதல்

ஒரு பாடலை அசை பிரித்துத் தளை காண்பது அலகிடுதல் எனப் பெறும். இதனை ஓர் எடுத்துக்காட்டின் மூலம் காண்போம்.

செய்யுள் வகை

யாப்பு இலக்கணத்தில் விளக்கப்பட்ட உறுப்புகளுடன் முறையாக அமைந்த செய்யுட்களை இசை அடிப்படையிலும், இலக்கண அடிப்படையிலும் நான்காக வகைபடுத்தியுள்ளனர். அவையாவன :

1. வெண்பா

2. ஆசிரியப்பா

3. கலிப்பா

4. வஞ்சிப்பா

இவை ஒவ்வொன்றும் மேலும் பல உட்பிரிவுகளை உடையன. சில பா வகைகளை இங்குக் காண்போம்.

வெண்பா

கீழ்க்காணும் சான்றுகளை உற்று நோக்கவும்.

சான்று - 1

எண்ணித் துணிக கருமம் ; துணிந்தபின்

எண்ணுவம் என்ப திழுக்கு

இது வெண்பா வகையைச் சார்ந்தது. அதன் ஒரு பிரிவான குறள் வெண்பா என்னும் வகைக்கு உரியது.

இரண்டு அடிகளை உடையது. முதல் அடியில் நான்கு சீர்களும், இரண்டாம் அடியில் மூன்று சீர்களும் இடம் பெற்றுள்ளன.

சான்று - 2

முல்லைக்குத் தேரும் மயிலுக்குப் போர்வையும்

தொல்லை அளித்தாரைக் கேட்டறிதும் - எல்லை

நெறிமடல் பூந்தாழை நீடுநீர்ச் சேர்ப்ப !

அறிமடமும் சான்றோர்க்கு அணி.

இது வெண்பா வகையைச் சார்ந்தது.

அதன் ஒரு பிரிவான நேரிசை வெண்பா என்னும் வகைக்கு உரியது.

நான்கு அடிகளை உடையது. முதல் மூன்று அடிகளில் நான்கு சீர்களும், நான்காம் அடியில் மூன்று சீரும் கொண்டது. இரண்டாம் அடியின் இறுதியில் தனிச்சொல் பெற்று வந்துள்ளது.

சான்று - 3

மழையின்றி மாநிலத்தார்க் கில்லை, மழையும்

தவமில்லார் இல்வழி இல்லை, தவமும்

அரசிலார் இல்வழி இல்லை, அரசனும்

இல்வாழ்வார் இல்வழி இல்

இது வெண்பா வகையைச் சார்ந்தது.

அதன் ஒரு பிரிவான இன்னிசை வெண்பா என்னும் வகைக்கு உரியது.

நான்கு அடிகளை உடையது. முதல் மூன்று அடிகளில் நான்கு சீர்களும், நான்காம் அடியில் மூன்று சீரும் கொண்டது. இரண்டாம் அடியின் இறுதியில் தனிச்சொல் பெறாமல் வந்துள்ளது.

(குறிப்பு : இவை தவிர சிந்தியல் வெண்பா, பஃரொடை வெண்பா என்ற வகைகளும் உள்ளன.)

வெண்பாவின் பொது இலக்கணம்

மேற்கண்ட பாடல்களின் அடிப்படையில் வெண்பாவுக்கான பொது இலக்கணங்களை வரையறுத்து உள்ளனர். அவையாவன :

1. செப்பல் ஓசை பெற்று வருதல்.

2. ஈற்று அடி மூன்று சீர்களாகவும், ஏனைய அடிகள் நான்கு சீர்களாகவும் அமைவது.

3. இயற்சீர் வெண்டளை, வெண்சீர் வெண்டளை என்னும் தளைகளைப் பெற்று வருதல்.

4. இறுதி அடியின் இறுதிச்சீர் நாள், மலர், காசு, பிறப்பு என்னும் வாய்பாடுகளுள் ஒன்றைப் பெற்றுவருவது.

ஆசிரியப்பா

வெண்பாவுக்கு அடுத்த நிலையில் இடம்பெறுவது ஆசிரியப்பா ஆகும். அது,

1. நேரிசை ஆசிரியப்பா

2. இணைக்குறள் ஆசிரியப்பா

3. நிலைமண்டில் ஆசிரியப்பா

4. அடிமறிமண்டில் ஆசிரியப்பா

என்னும் நான்கு வகைகளை உடையது.

கீழுள்ள எடுத்துக்காட்டினை ஆழ்ந்து நோக்குக.

நாடா கொன்றோ காடா கொன்றோ

அவலா கொன்றோ மிசையா கொன்றோ

எவ்வழி நல்லவ ராடவர்

அவ்வழி நல்லை வாழிய நிலனே

இப்பாடல் ஆசிரியப்பாவின் இலக்கணப்படி அமைந்தது. இது நேரிசை ஆசிரியப்பா ஆகும்.

பாடலின் ஈற்றடிக்கு முன்னுள்ள அடி மூன்று சீர்களைப் பெற்று வந்துள்ளது.

மற்ற எல்லா அடிகளும் நான்கு சீர்களைப் பெற்று வந்துள்ளன.

ஈற்றடியின் இறுதிச்சீர் ‘ஏ’ என ஏகாரம் பெற்று முடிந்துள்ளது.

இவையாவும் ஆசிரியப்பாவின் அமைப்புகள் ஆகும்.

ஆசிரியப்பாவின் பொது இலக்கணம்

மேற்கண்ட பாடலின் அடிப்படையிலும் பொதுவாகவும் ஆசிரியப்பாவிற்கான பொது இலக்கணங்களை வரையறுத்து உள்ளனர். அவையாவன :

1. அகவல் ஓசை பெற்று வரும்.

2. அடிதோறும் நான்கு சீர்களைப் பெற்றுவரும்.

3. ஈற்று அயலடி மூன்று சீர்களைப் பெற்றுவரும்.

4. ஈற்றுச்சீர் ஏகாரம் பெற்று முடியும்.

5. ஆசிரியத் தளையும் சில சமயம் பிற தளைகளும் இடம்பெறும்.