ஸ்ரீ ருத்ரகோடீஸ்வரர் கோயில்

சிதம்பரம்

சைவம்-சிவபெருமான்

தமிழ்நாடு அரசு தொல்லியல் துறையின் கீழ் மரபுச் சின்னமாக உள்ளது. வழிபாட்டில் உள்ளது.

இக்கோயில் முழுவதும் புனரமைக்கப்பட்டுள்ளது. கி.பி.12-ஆம் நூற்றாண்டைச் சேர்ந்ததாக இக்கோயில் இருக்கலாம். பிற்காலச் சோழர் கலைப்பாணி நன்கு தெரிகிறது. தற்போது கூரைப்பகுதி வரை மட்டுமே காட்சியளிக்கிறது. தளங்கள் இடம் பெறவில்லை. எனவே எந்த பாணியில் கட்டப்பட்டது என்பதும், எத்தனை தளங்கள் உடையது என்பதும் அறியக்கூடவில்லை. இக்கோயிலில் தேவக்கோட்டங்களில் சிற்பங்கள் அமைந்துள்ளன. தட்சிணாமூர்த்தி, இலிங்கோத்பவர், அர்த்தநாரி ஆகிய சிற்பங்கள் குறிப்பிடத்தக்கவை. மேலும் இக்கோயிலின் தனிச்சிறப்பானது 63 நாயன்மார்களின் வரலாற்றினை சிற்பவடிவமாக பெற்றுத் திகழ்வதாகும். ஆனால் நாயன்மார் சிற்பம் தற்போது காணப்படவில்லை. காலவெள்ளத்தால் அழிந்து விட்டன போலும். ஆனால் சிற்பங்கள் இருந்தமைக்கான சிறு சிறு கோட்டங்கள் கருவறை விமானச் சுவர்ப்பகுதியில் காணப்படுகின்றது. இக்கோட்டத்தின் கீழே 12-ஆம் நூற்றாண்டைச் சேர்ந்த எழுத்தமைதியுடன் நாயன்மார்களின் பெயர்கள் காணப்படுகின்றன. கருவறையில் இலிங்கம் உள்ளது. கருவறை சதுர வடிவமானது. முகமண்டபத்தில் நந்தி உள்ளது. மகாமண்டபம் இருந்திருக்க வேண்டும். அவற்றின் எச்சங்கள் காணப்படுகின்றன. இக்கோயிலைப் பொறுத்தவரை தேவகோட்டங்களில் மாதொரு பாகன் (அர்த்தநாரி), தென்முகக் கடவுள், இலிங்க புராண தேவர், சந்தியா நிருத்த தேவர் ஆகிய சிற்பங்கள் உள்ளன. நாயன்மார்களின் வரலாறுகள் சிற்பவடிவமாக பெற்றுத் திகழும் கோயில்களில் இதுவும் ஒன்றாகும். காரைக்கால் அம்மையார் தலைகீழாகக் கயிலைக்குச் செல்லும் சிற்பமும், கண்ணப்ப நாயனார் சிற்பமும், சண்டிகேசுவரர் சிற்பமும், தாடகை என்ற பெண்ணடியார் சிவனை வழிபடும் சிற்பமும் குறிப்பிடத்தக்கவைகள் ஆகும்.

கி.பி.12-ஆம் நூற்றாண்டு / பிற்காலச் சோழர்

இல்லை

இக்கோயில் முழுவதும் புனரமைக்கப்பட்டுள்ளது. கி.பி.12-ஆம் நூற்றாண்டைச் சேர்ந்ததாக இக்கோயில் இருக்கலாம். பிற்காலச் சோழர் கலைப்பாணி நன்கு தெரிகிறது. தற்போது கூரைப்பகுதி வரை மட்டுமே காட்சியளிக்கிறது. தளங்கள் இடம் பெறவில்லை. எனவே எந்த பாணியில் கட்டப்பட்டது என்பதும், எத்தனை தளங்கள் உடையது என்பதும் அறியக்கூடவில்லை. இக்கோயிலில் தேவக்கோட்டங்களில் சிற்பங்கள் அமைந்துள்ளன. தட்சிணாமூர்த்தி, இலிங்கோத்பவர், அர்த்தநாரி ஆகிய சிற்பங்கள் குறிப்பிடத்தக்கவை. மேலும் இக்கோயிலின் தனிச்சிறப்பானது 63 நாயன்மார்களின் வரலாற்றினை சிற்பவடிவமாக பெற்றுத் திகழ்வதாகும். ஆனால் நாயன்மார் சிற்பம் தற்போது காணப்படவில்லை. காலவெள்ளத்தால் அழிந்து விட்டன போலும். ஆனால் சிற்பங்கள் இருந்தமைக்கான சிறு சிறு கோட்டங்கள் கருவறை விமானச் சுவர்ப்பகுதியில் காணப்படுகின்றது. இக்கோட்டத்தின் கீழே 12-ஆம் நூற்றாண்டைச் சேர்ந்த எழுத்தமைதியுடன் நாயன்மார்களின் பெயர்கள் காணப்படுகின்றன. கருவறையில் இலிங்கம் உள்ளது. கருவறை சதுர வடிவமானது. முகமண்டபத்தில் நந்தி உள்ளது. மகாமண்டபம் இருந்திருக்க வேண்டும். அவற்றின் எச்சங்கள் காணப்படுகின்றன.

கீழக்கடம்பூர், சிதம்பரம் வட்டம்-608 304, கடலூர்

காலை 8.00 முதல் மாலை 5.00 வரை

காட்டுமன்னார்குடி, சிதம்பரம்

திருச்சி

கீழக்கடம்பூர் கோயில்