சடையார் கோயில், திருக்கடைமுடி நாதர், திருச்சடைமுடி நாதர்

பூதலூர்

சைவம்-சிவபெருமான்

தமிழ்நாடு அரசு தொல்லியல் துறையின் கீழ் மரபுச் சின்னமாக உள்ளது. வழிபாட்டில் உள்ளது.

கி.பி.ஏழாம் நூற்றாண்டுக்கு முன்பிருந்தே இக்கோயில் வழிபாட்டில் இருந்துள்ளது. பல்லவர் காலத்தில் இக்கோயில் மண் தளியாக இருந்திருக்க வேண்டும். பல்லவர் காலக் கல்வெட்டுகள் கற்றூண்களிலே காணப்படுகின்றன. திருஞானசம்பந்தர் இத்தலத்தை திருக்கடைமுடி என்று பாடியுள்ளார். காவிரியின் வடகரைத் தலமாகவும், கொள்ளிடத்திற்கு தென்கரைத் தலமாகவும் சடையார் கோயில் அமைந்துள்ளது. காவிரியின் வளத்தினாலே அதன் கரையில் கட்டப்பட்டுள்ள இக்கற்றளி அதிகமான கொடைகளைப் பெற்றுள்ளது. பல்லவர் காலத்தில் மண்டளியாக இக்கோயில் இருந்திருக்க வேண்டும். முதலாம் பராந்தகன் காலத்தில் கற்றளியாக அமைக்கப்பட்டுள்ளது. திருஞானசம்பந்தர் இத்தலத்தைப் பாடியுள்ளார். தேவாரப் பாடல் பெற்ற பல காவிரிக் கரைத் தலங்களுள் இதுவும் ஒன்றாகும். தற்போது இக்கோயில் பிடாரி அம்மனுக்கு உரிய கோயிலாக ஊர்மக்களால் வழிபடப்படுகிறது. பல்லவர்கால தூண் கல்வெட்டுகள் இங்கு உள்ளன. நிருபதுங்க வர்மனின் அரசியார் அளித்த மாசிமக விழாவிற்கான கொடைகள் குறிப்பிடத்தக்கவை. பொன்கழஞ்சுகள் அதிகமாக கொடையாகக் கொடுக்கப்பட்டுள்ளன. விளக்குக் கொடைகள் சோழர்கள் காலத்தில் அளிக்கப்பட்டுள்ளன. கருவறை ஏகதள விமானத்தைப் பெற்றுள்ளது. கருவறை விமானத்தின் தாங்குதளத்தில் இராமாயணப் புடைப்புச் சிற்பங்களும், வேதிகையில் சிவவடிவங்களும், தாய்த் தெய்வங்களும் புடைப்புச் சிற்பங்களாக அமைக்கப்பட்டுள்ளன. கோயில் தற்போது தமிழ்நாடு அரசுத் தொல்லியல் துறையால் புனரமைக்கப்பட்டுள்ளது.

கி.பி.10-ஆம் நூற்றாண்டு / முதலாம் பராந்தகச் சோழன்

இல்லை

சடையார் கோயில் கருவறையும், அர்த்தமண்டமும் கொண்ட எளிமையான கோயிலாகும். முழுவதும் கற்றளியாகும். ஒரு தள விமானத்தைக் கொண்டுள்ளது. முகமண்டபம் சிதிலமடைந்துள்ளது. முகமண்டபத்திற்கு தாங்குதளம் மட்டுமே காணப்படுகின்றது. பராந்தகனின் பிறக் கோயில்களைப் போன்றே அழகுற வடிவமைக்கப்பட்டுள்ள இக்கோயில் விமானத்தின் தாங்குதளத்தில் இராமாயணப் புடைப்புச்சிற்பங்கள் அமைந்துள்ளன. சிவ வடிவங்களும், தாய்த்தெய்வங்களும் புடைப்புச்சிற்பங்களாக காணப்படுகின்றன. தற்போது தளப்பகுதி புனரமைக்கப்பட்டுள்ளது. சுவர்களில் அரைத்தூண்கள் அழகு செய்கின்றன. கருவறைச் சுவரில் தேவக்கோட்டங்கள் அமைந்துள்ளன. கோட்டச் சிற்பங்களில் சில அரசு அருங்காட்சியகத்தில் வைக்கப்பட்டுள்ளன. தமிழ்நாடு அரசு தொல்லியல் துறையால் தற்போது புனரமைக்கப்பட்டுள்ளது.

திருச்சென்னம்பூண்டி-613 105, கோயிலடி அருகில், தஞ்சாவூர்

காலை 8.00 முதல் மாலை 5.00 வரை

கல்லணை, திருமழபாடி, கோயிலடி

திருச்சி

சடையார் கோயில்