Primary tabs
-
3.0 பாட முன்னுரை
இப்பாடத்தில் வேற்றுமைப்பொருள் மற்றும் உருபு என்றால் என்ன? என்பது விளக்கப்பட்டிருக்கின்றது. அதனோடு சொல்லுருபு என்றால் என்ன? என்பதற்கான விளக்கமும் கொடுக்கப்பட்டிருக்கிறது.
உலக மொழிகளில் எந்தெந்த முறைகளைப் பயன்படுத்தி வேற்றுமைப் பொருளை உணர்த்துகிறார்கள் என்ற செய்தி தரப்பட்டிருக்கிறது. சொல்லுருபின் வளர்ச்சி சங்ககாலத் தமிழ், இடைக்காலத் தமிழ், தற்காலத் தமிழ் எனப் பிரிக்கப்பட்டுத் தக்க சான்றுகளுடன் விளக்கப்பட்டிருக்கின்றது.
இடைக்காலத்தில் தோன்றிய நன்னூல் சொல்லுருபைப் பற்றிச் சரிவரக் குறிப்பிடாதது தெரியவருகிறது. பிரயோக விவேகம், இலக்கணக் கொத்து போன்ற பிறமொழி இலக்கணத்தைச் சார்ந்த தமிழ் நூல்கள் சொல்லுருபு பற்றிக் குறிப்பிட்டுள்ள செய்தி நமக்குக் கிடைக்கப் பெறுகிறது.
தற்காலத் தமிழில் அமைந்து வரும் சொல்லுருபுகளின் வகைப்பாடு சான்றுகளுடன் விளக்கப்பட்டிருக்கின்றது.