Primary tabs
-
1.0 பாடமுன்னுரை
பழந்தமிழகத்தில் திருமால், செவ்வேள் ஆகிய
தெய்வங்களைக் குறித்த வழிபாடுகள் சிறப்புற்று விளங்கின;
கொற்றவை வழிபாடும் சிறந்திருந்தது. இத்தெய்வங்கள் பற்றிய
வழிபாட்டுக் குறிப்புகள் சங்கப் பாடல்கள் பலவற்றிலும்
சிறப்பிடம் பெற்றுள்ளன.
இப்பாடத்தில், சங்க நூல்களிற் காணலாகும் திருமால்
வழிபாடு பற்றிய செய்திகள் தொகுத்துக் கூறப்பட்டுள்ளன.