பதிப்பாசிரியர் முன்னுரை

பதினேழாம் நூற்றாண்டில் தமிழகத்தில் வாழ்ந்த தமிழிலக்கணப்பெரும்புலவர் மூவருள் ஒருவராகிய திருவாரூர் வைத்தியநாத  தேசிகர் இயற்றிய இலக்கணவிளக்கத்தின் மூன்றாம் படலமாகிய  பொருட்படலத்தின் முதல் இயலாகிய அகத்திணையியல் இப்பொழுது  வெளியிடப்பெறுகிறது.

இதற்குத் திருவாளர் தாமோதரம் பிள்ளையவர்களின்  இலக்கணவிளக்கப் பதிப்பும், இலக்கணவிளக்க ஆசிரியர் பரம்பரையினரான  திருவாளர் வித்துவான் இராமலிங்கம் அவர்களின் இலக்கணவிளக்கப்  பொருளதிகாரப் பதிப்பும் தஞ்சை சரசுவதிமகால் கையெழுத்துப் பிரதியும்  துணைபோந்துள்ளன. தொல்காப்பியப் பொருட்படல உரையாசிரியர்  நச்சினார்க்கினியர் பேராசிரியர் ஆகியோர் உரைகள் சிறந்த  பாடங்கொள்வதற்கு உதவியுள்ளன.

ஆசிரியர் சுருக்கமாக உரை வரைந்துள்ள நூற்பாக்களுக்கு உரை  விளக்கமாக வரையப்பட்டுள்ளது. எடுத்துக் காட்டுப்பாடல்களின்  போந்தபொருள் விளக்கி எழுதப்பட்டுள்ளது. வழக்கம்போல ஒத்தநூற்பாக்கள்  அவ்வந்நூற்பாவின் இறுதியில் கட்டப்பட்டுள்ளன. ஒத்தநூற்பாக்கள் என்ற  தலைப்பில் முழுதும் ஒத்தனவும், ஒருபுடைஒத்து ஒருபுடை ஒவ்வாதனவும்  ஆகிய நூற்பாக்கள் குறிக்கப்பெற்றிருத்தலின், இப்பகுதி, ஒப்புநோக்கு  ஆராய்ச்சி, வளம்பெற உதவும் என்பது ஒருதலை.

முகவுரையில் நூற்செய்தி, இவ்வியலில் இடம் பெற்றுள்ள  ஏனையநூல்களின் நூற்பாக்கள், இவ்வாசிரியர் தாமேயாத்த நூற்பாக்கள்,  அகத்திணையியல் அமைப்பு என்பன விளக்கப்பட்டுள்ளன.

இவ்வாசிரியர் வரைந்துள்ள இவ்வகத்திணையியல் நம்பியகப்பொருளைப்  பெரிதும் ஒத்து அமைந்திருப்பதால், இவ்வியலின் உட்பகுதிகளாகப்  பொதுச்செய்திகள், களவியற்