Primary tabs
kayamanAr
9. n'eytal
yAy AkiyaLE mAayOLE-
maTai mAN ceppil tamiya vaikiya
peyyAp pUvin mey cAyinaLE;
pAcaTai n'ivan'ta kaNaik kAl n'eytal
ina mIn irug kazi Otam malkutoRum
kayam mUzku makaLir kaNNin mAnum
taNNam tuRaivan koTumai
n'am mun n'ANik karappATummE.
talaimakaRkut tOzi vAyil n'Ern'tatu. - kayamanAr
356. pAlai
n'izal AnRu avin'ta n'Ir il Ar iTaik
kazalOn kAppap kaTukupu pOki,
aRucunai marugkin maRukupu ven'ta
vev veg kaluzi tavvenak kuTikkiya
yAgku vallun'aLkol tAnE-En'tiya
cem poR punai kalattu am porik kalan'ta
pAlum pala ena uNNAL,
kOl amai kuRun' toTit taLir annOLE?
makaTpOkkiya cevilittAy uraittatu. - kayamanAra.
378. pAlai
jAyiRu kANAta mAN n'izaR paTIiya,
malaimutal ciRu n'eRi maNal mikat tAay,
taN mazai talaiyavAkuka-n'am n'Ittuc
cuTar vAy n'eTu vER kALaiyoTu
maTa mA arivai pOkiya curanE!
makaL pOkkiya cevili teyvattiRkup parAyatu. - kayamanAr
396. n'eytal
pAlum uNNAL, pan'tuTan mEvAL,
viLaiyATu AyamoTu ayarvOL iniyE,
eLitu ena uNarn'tanaLkollO-muLi cinai
Omaik kuttiya uyar kOTTu oruttal
vEniR kunRattu vev aRaik kavAan
mazai muzagku kaTug kural Orkkum
kazai tiragku Ar iTai, avanoTu celavE?
makaT pOkkiya tAy uraittatu, - kayamanAr.