Primary tabs
kunRiyanAr
50. marutam
aiyavi anna ciRu vI jAzal
cevvi marutin cemmaloTu tAayt
tuRai aNin'tanRu, avar UrE; iRai iRan'tu
ilagku vaLai n'ekiza, cAayp
pulampu aNin'tanRu, avar maNan'ta tOLE.
kizavaRkup pAgkAyina vAyilkaTkuk kizatti colliyatu. - kunRiyanAr
51. n'eytal
kUn muL muNTakak kUrm pani mA malar
n'Ul aRu muttin kAloTu pARit
tuRaitoRum parakkum tU maNaR cErppanai
yAnum kAtalen; yAyum n'ani veyyaL;
en'taiyum koTIiyarvENTum;
ampal Urum avanoTu mozimE.
varaivu n'ITTittaviTattu ARRALAkiya talaimakaTkut tOzi varaivu malivukURiyatu - kunRiyanAr
117. n'eytal
mAri Ampal anna kokkin
pArval ajciya paruvaral Ir jeNTu
kaNTal vEr aLaic celIiyar, aNTar
kayiRu ari eruttin, katazum tuRaivan
vArAtu amaiyinum amaika!
ciRiyavum uLa INTu, vilaijar kaivaLaiyE.
varaivu n'ITTittaviTattut talaimakaTkut tOzi colliyatu. - kunRiyanAr
238. marutam
pAcaval iTitta karug kAz ulakkai
Ay katir n'ellin varampu aNait tuyiRRi,
oN toTi makaLir vaNTal ayarum
toNTi anna en n'alam tan'tu,
koNTanai cenmO-makizn'a!-n'in cULE.
talaimakan parattaiyin maRuttan'tu, vAyil vENTit tOziyiTaic cenRu, teLippAn pukkARkut tOzi colliyatu. - kunRiyan
301. kuRijci
muzavu mutal araiya taTavu n'ilaip peNNaik
kozu maTal izaitta ciRu kOR kuTampaik
karug kAl anRiR kAmar kaTujcUl
vayavup peTai akavum pAnAT kagkul,
manRam pOzum in maNi n'eTun' tEr
vArAtuAyinum, varuvatu pOlac
cevimutal icaikkum aravamoTu
tuyil tuRan'tanavAl-tOzi!-en kaNNE.
varaiviTai vaippa, 'ARRakiRRiyO?' enRa tOzikkuk kizatti colliyatu.- kunRiyan
336. kuRijci
ceRuvarkku uvakai Aka, teRuvara,
Igkanam varupavO?-tEm pAy tuRaiva!-
ciRu n'A oN maNi viLari Arppak
kaTu mA n'eTun' tEr n'Emi pOkiya
irug kazi n'eytal pOla,
varun'tinaL, aLiyaL-n'I pirin'ticinOLE,
talaimakan iravukkuRi n'ayan'tAnait tOzi colliyatu maRuttatu. - kunRiyan