Primary tabs
maturai marutan iLan'AkanAr
77. pAlai
amma vAzi, tOzi!-yAvatum,
tavaRu enin, tavaRO ilavE-vej curattu
ulan'ta vampalar uval iTu patukkai
n'eTu n'al yAnaikku iTu n'izal Akum
ariya kAnam cenROrkku
eLiya Akiya taTa men tOLE.
pirivinkaN ARRALAkiya talaimakan tOzikkuc colliyatu. - maturai marutan iLan'AkanAr
160. kuRijci
n'eruppin anna cen'talai anRil
iRavin anna koTu vAyp peTaiyoTu,
taTavin Ogku cinaik kaTciyil, pirin'tOr
kaiyaRa n'aralum n'aLLen yAmattup
perun' taN vATaiyum vArAr;
iHtO-tOzi!-n'am kAtalar varavE?
varaivu n'ITTippa ARRALAkiya talaimakaLai n'Okki, tOzi, 'varaivar' ena ARRuvippuzi, talaimakaL kURiyatu. - maturai marutan iLan'Akan.
279. mullai
tirimaruppu erumai iruL n'iRa mai An
varumiTaRu yAtta pakuvAyt teN maNi,
pulampu koL yAmattu, iyagkutoRu icaikkum
itu pozutu Akavum vArArkollO-
mazai kazUu maRan'ta mA irun' tuRukal
tukaL cUz yAnaiyin poliyat tOnRum
irum pal kunRam pOki,
tirun'tu iRaip paNait tOL uLLAtOrE?
vaRpuRuttum tOzikkuk kizatti uraittatu. - maturai marutan iLan'AkanAr
367. marutam
koTiyOr n'alkAr Ayinum, yAza n'in
toTi viLagku iRaiya tOL kavin peRIiyar,
uvakkAN-tOzi!-av van'ticinE-
toyyal mA mazai toTagkalin, avar n'ATTup
pUcal Ayam pukanRu izi aruvi
maNNuRu maNiyin tOnRum
taN n'aRun' tuRukal Ogkiya malaiyE.
varaivu uNarttiya tOzi talaimakaTkuk kaziyuvakai mItUrAmai uNarttiyatu;varaivu n'ITTitta iTattu ARRALAkiya talaimakaLait tOzi ARRum vakaiyAn ARRuvittatUum Am. -