Primary tabs
veLLi vItiyAr
27. pAlai
kanRum uNNAtu, kalattinum paTAtu,
n'al An tIm pAl n'ilattu ukkAagku,
enakkum AkAtu, ennaikkum utavAtu,
pacalai uNIiyar vENTum-
titalai alkul en mAmaik kavinE.
piriviTai 'ARRAL' enak kavanRa tOzikkuk kizatti uraittatu. - veLLi vItiyAr
44. pAlai
kAlE pari tappinavE; kaNNE
n'Okki n'Okki vAL izan'tanavE;
akal iru vicumpin mIninum
palarE manRa, iv ulakattup piRarE.
iTaiccurattuc cevilittAy kaiyaRRuc colliyatu. - veLLivItiyAr
58. kuRijci
iTikkum kELir! n'um kuRai Aka
n'iRukkal ARRinO n'anRu man tilla;
jAyiRu kAyum vev aRai marugkil
kai il Uman kaNNin kAkkum
veNNey uNagkal pOlap
paran'tanRu, in' n'Oy; n'OnRu koLaRku aritE!
kazaRRetirmaRai. - veLLivItiyAr
130. pAlai
n'ilam toTTup pukAar; vAnam ERAr;
vilagku iru mun'n'Ir kAlin cellAr;
n'ATTinn'ATTin Urin Urin
kuTimuRai kuTimuRai tErin,
keTun'arum uLarO?-n'am kAtalOrE.
piriviTai azin'ta talaimakaLait tOzi vaRpuRuttiyatu; 'n'I avar pirin'tAr enRu ARRAyAkinRatu ennai? yAn avar uLvazi aRin'tu tUtu viTTukkoNarvEn;n'in ARRAmai n'Ig
146. kuRijci
amma vAzi, tOzi!-n'am Urp
pirin'tOrp puNarppOr irun'tanar kollO?-
taNTuTai kaiyar, veNtalaic citavalar,
'n'anRun'anRu' ennum mAkkaLoTu
inRu peritu ennum, AgkaNatu avaiyE.
talaimakan tamar varaivoTu van'tu collATukinRuzi, 'varaivu maRuppavO?' enak kavanRa talaimakaTkut tOzi colliyatu. - veLLivItiyAr.
149. pAlai
aLitO tAnE-n'ANE n'ammoTu
n'ani n'ITu uzan'tanRu mannE; iniyE,
vAn pUg karumpin Ogku maNaR ciRu ciRai
tIm punal n'eritara vIn'tu ukkAagku,
tAgkum aLavait tAgki,
kAmam n'eritarak kain' n'illAtE.
uTanpOkku uNarttiya tOzikkut talaimakaL colliyatu. - veLLivItiyAr
169. marutam
curam cel yAnaik kal uRu kOTTin
teRRena iRIiyarO-aiya! maRRu yAm
n'ummoTu n'akka vAl veL eyiRE:
pANar pacumIn corin'ta maNTai pOla
emakkum perum pulavu Aki,
n'ummum peREem, iRIiyar em uyirE.
kaRpuk kAlattut teLiviTai vilagkiyatu; init tOzi varaivu n'ITTittavazi varaivu kaTAyatUum Am. - veLLivItiyAr.
386. n'eytal
veN maNal virin'ta vI tatai kAnal
taNNan' tuRaivan taNavA UgkE,
vAl izai makaLir vizavu aNik kUTTum
mAlaiyO aRivEnmannE; mAlai
n'ilam paran'tanna punkaNoTu
pulampu uTaittu Akutal aRiyEn yAnE.
piriviTai vaRpuRuttum tOzikkut kizatti vanpuRai etir azin'tu kURiyatu.- veLLivItiyAr