Primary tabs
1-10
1
'vAzi Atan, vAzi avini!
n'el pala polika! pon peritu ciRakka!'
ena vETTOLE, yAyE: yAmE,
'n'anaiya kAjcic cinaiya ciRu mIn
5
yANar Uran vAzka!
pANanum vAzka!' ena vETTEmE.
puRattozukkattilE n'eTun'AL ozuki, 'itu takAtu'enat teLin'ta manattanAy, mINTu talaiviyOTu kUTi ozukAn'inRa talaimakantOziyOTu collATi, 'yAn avvARu ozuka, n'Iyir n'inaitta tiRam yAtu?' enRARku avaL co
2
'vAzi Atan, vAzi avini!
viLaika vayalE! varuka iravalar!'
ena vETTOLE, yAyE: yAmE,
'pal itaz n'IlamoTu n'eytal n'ikarkkum
5
taN tuRai Uran kENmai
vazivazic ciRakka!' ena vETTEmE.
ituvum atu. 2
3
'vAzi Atan, vAzi avini!
pAl pala URuka! pakaTu pala ciRakka!'
ena vETTOLE, yAyE: yAmE,
'vittiya uzavar n'elloTu peyarum,
5
pUk kajal Uran tan manai
vAzkkai polika!' ena vETTEmE.
ituvum atu. 3
4
'vAzi Atan, vAzi avini!
pakaivar pul Arka! pArppAr Otuka!'
ena vETTOLE yAyE: yAmE,
'pUtta karumpin, kAytta n'ellin,
5
kazani Uran mArpu
pazanam AkaRka!' ena vETTEmE.
ituvum atu. 4
5
'vAzi Atan, vAzi avini!
paci illAkuka! piNi cEN n'Igkuka!'
ena vETTOLE, yAyE: yAmE,
'mutalaip pOttu muzu mIn Arum
5
taN tuRai Uran tEr em
munkaTai n'iRka' ena vETTEmE.
ituvum atu. 5
6
'vAzi Atan, vAzi avini!
vEn'tu pakai taNika! yANTu pala n'an'tuka!'
ena vETTOLE yAyE: yAmE,
'malarn'ta poykai, mukain'ta tAmarait
5
taN tuRai Uran varaika!
en'taiyum koTukka! ena vETTEmE.
kaLavinil palan'AL ozukivan'tu, varain'tu koNTa talaimakan tOziyOTu collATi, 'yAn varaiyAtu ozukukinRa n'AL n'Iyir igku izaittirun'ta tiRam yAtu?' enRARku avaL colliyatu. 6
7
'vAzi Atan, vAzi avini!
aRam n'ani ciRakka! allatu keTuka!'
ena vETTOLE yAyE: yAmE,
'uLaip pU marutattuk kiLaik kuruku irukkum
5
taN tuRai Uran tan Urk
koNTanan celka!' ena vETTEmE.
ituvum atu. 7
8
'vAzi Atan, vAzi avini!
aracu muRai ceyka! kaLavu illAkuka!'
ena vETTOLE, yAyE: yAmE,
'alagkucinai mAattu aNi mayil irukkum
5
pUk kajal Uran cUL ivaN
vAyppatAka!' ena vETTEmE.
ituvum atu. 8
9
'vAzi Atan, vAzi avini!
n'anRu peritu ciRakka! tItu illAkuka!'
ena vETTOLE, yAyE: yAmE,
'kayal Ar n'Arai pOrvil cEkkum
5
taN tuRai Uran kENmai
ampal AkaRka!' ena vETTEmE.
ituvum atu. 9
10
'vAzi Atan, vAzi avini!
mAri vAykka! vaLam n'ani ciRakka!
ena vETTOLE, yAyE: yAmE,
'pUtta mAattu, pulAl am ciRu mIn,
5
taN tuRai Uran tannoTu
koNTanan celka!' ena vETTEmE.
ituvum atu. 10