Primary tabs
21-30
21
muLLi n'ITiya mutu n'Ir aTaikaraip
puLLik kaLavan Ampal aRukkum
taN tuRai Uran teLippavum,
uNkaN pacappatu evankol? annAy!'
'puRattozukkam enakku ini illai' enRu talaimakan teLippavum, 'aHtu uLatu' enRu vERupaTum talaimakaTkut tOzi colliyatu. 1
22
aLLal ATiya puLLik kaLavan
muLLi vEr aLaic cellum Uran
n'alla colli maNan'tu, 'ini
n'IyEn' enRatu evankol? annAy!'
kaLavinil puNarn'tu. pinpu varain'tu koNTu ozukAn'inRatalaimakaRkup puRattozukkam uLatAyiRRAka, ARRALAkiyatalaimakaL tOzikkuc colliyatu. 2
23
muLLi vEr aLaik kaLavan ATTi,
pUk kuRRu, eytiya punal aNi Uran
tERRam ceytu n'appuNarn'tu, init
tAkku aNagku Avatu evankol? annAy!
ituvum atu. 3
24
tAy cAp piRakkum puLLik kaLavanoTu
piLLai tinnum mutalaittu avan Ur
eytinan AkinRu kollO? makizn'an
polan' toTi teLirppa muyagkiyavar
5
n'alam koNTu tuRappatu evankol? annAy!
'parattaiyaruLLum oruttiyai viTTu oruttiyaip paRRi ozukukinRAn' enpatu kETTa tOzi, vAyilAy van'tAr kETpa, talaimakaTkuc colliyatu. 4
25
puyal puRan'tan'ta puniRRu vaLar paig kAy
vayalaic ceg koTi kaLavan aRukkum
kazani Uran mArpu palarkku
izai n'ekiz cellal Akkum annAy!
ituvum atu. 5
26
karan'taiam ceRuvil tuNai tuRan'tu, kaLavan
vaLLai men kAl aRukkum Uran
emmum, piRarum, aRiyAn;
innan Avatu evankol? annAy!
talaimakaRku vAyilAkap pukun'tAr, 'n'in muniviRku avanporun'tAn'inRAn' enRavazi, talaimakaTkut tOzi, 'avanpATu aHtu illai' enpatupaTac colliyatu. 6
27
cen'n'el am ceRuvil katir koNTu, kaLavan
taNNaka maN aLaic cellum UraRku
el vaLai n'ekizac cAay,
allal uzappatu evankol? annAy!
talaimakan manaikkaN varugkAlattu vArAtu tAzttuzi, 'puRattozukkam uLatAyiRRu' enak karuti varun'tum talaimakaTkut tOzi colliyatu. 7
28
uNtuRai aNagku ivaL uRai n'Oy Ayin,
taN cERu kaLavan varikkum UraRku
oN toTi n'ekizac cAay,
men tOL pacappatu evankol? annAy!
iRceRivitta iTattut talaimakaTku eytiya vERupATu kaNTu, 'itu teyvattinAn AyiRRu' enRu, tamar veRi eTuppuzi, atanai vilakkak karutiya tOzi cevilikku aRattoTu n'inRatu. 8
29
mAri kaTi koLa, kAvalar kaTuka,
vittiya veN muLai kaLavan aRukkum
kazani Uran mArpu uRa marIi,
titalai alkul n'in makaL
5
pacalai koLvatu evankol? annAy!
varaivu etirkoLLAr tamar avaN maRuppuzi, tOzi cevilikku aRattOTu n'inRatu. 9
30
vEppu n'anai anna n'eTug kaN kaLavan
taNNaka maN aLai n'iRaiya, n'ellin
irum pU uRaikkum UraRku ivaL
perug kavin izappatu evankol? annAy!
ituvum atu. 10