Primary tabs
111-120
111
amma vAzi, tOzi! pANan
cUz kazimarugkin n'AN irai koLIic
cinaik kayal mAykkum tuRaivan kENmai
pirin'tum vAztumO n'AmE
5
arun' tavam muyaRal ARRAtEmE?
'iRceRippAr' enak kETTa talaimakaL varaiyAtu van'tu ozukum talaivan ciRaippuRattAnAkat tOzikkuc colliyatu. 1
112
amma vAzi, tOzi! pAcilaic
cerun'ti tAya irug kazic cErppan
tAn varak kANkuvam n'AmE;
maRan'tOm manRa, n'ANuTai n'ejcE.
kaLavu n'ITuvazi, 'varaiyalankol?' enRu ajciya tOzikkut talaimakan varaiyum tiRam teLikka, teLin'ta talaimakaL colliyatu. 2
113
amma vAzi, tOzi! n'ennal
Ogkutirai veN maNal uTaikkum tuRaivaRku,
UrAr, 'peNTu' ena moziya, ennai,
atu kETTu, 'annAy' enRanaL, annai;
5
paipaya 'emmai' enRanen, yAnE.
varaiyAtu van'tu ozukum talaimakan ciRaippuRattu n'inRu kETpa, 'n'erun'al illattu n'ikazn'tatu itu' enat talaimakaL tOzikkuc colliyatu. 3
114
amma vAzi, tOzi! koNkan
n'ErEm Ayinum, celkuvam kollO
kaTalin n'Arai iraRRum
maTal am peNNai avanuTai n'ATTE?
iTaiviTTu ozukum talaimakan van'tu ciRaippuRattAn Anamai aRin'ta talaimakaL avan kETkumARRAl tOzikkuc colliyatu. 4
115
amma vAzi, tOzi! pal mAN
n'uN maNal aTaikarai n'ammOTu ATiya
taNNam tuRaivan maRaii,
annai arug kaTi van'tu n'inROnE!
iR ceRippuNTa pinpum, varain'tu koLLa n'inaiyAtu talaimakan van'tAnAka, atanai aRin'ta talaimakaL avan kETkumARRAl tOzikkuc colliyatu. 5
116
amma vAzi, tOzi! n'Am aza,
n'Ila irug kazi n'Ilam kUmpum
mAlai van'tanRu, manRa
kAlai anna kAlai mun'tuRuttE.
eRpATTinkaN talaimakan ciRaippuRattu n'inRu kETpa, talaimakaL tOzikkuc colliyatu. 6
117
amma vAzi, tOzi! n'alanE
innatu Akutal koTitE! punnai
aNi malar tuRaitoRum varikkum
maNi n'Irc cErppanai maRavAtOrkkE.
varaiyAtu van'tu ozukum talaimakan ciRaippuRattAnAkat talaimakaL tOzikkuc colliyatu. 7
118
amma vAzi, tOzi! yAn inRu,
aRanilALaR kaNTa pozutil,
cinavuven takaikkuven cenRanen
pin n'inain'tu iragkip peyartan'tEnE.
ciRaippuRamAkat talaimakaL tOzikkuc colliyatu; tOzi vAyil maRutta talaimakaL, pinpu talaimakan van'tuzi, n'ikazn'tatanai avaTkuk kURiyatUum Am. 8
119
amma vAzi, tOzi! n'anRum
eyyAmaiyin Etila paRRi,
anpu ilan manRa peritE
men pulak koNkan vArAtOnE!
'varaitaRku vENTuvana muyalvEm' enac colli varaiyAtu celuttukinRa talaimakan ciRaippuRattAn Anamai aRin'ta talaimakaL tOzikkuc colliyatu. 9
120
amma vAzi, tOzi! n'alam mika
n'allaAyina, aLiya men tOLE
mallal irug kazi malkum
mellam pulampan van'tamARE.
varaiviTai vaittup pirin'ta talaimakan van'tu ciRaippuRattAnAkat talaimakaL tOzikkuc colliyatu. 10