Primary tabs
131-140
131
n'anRE, pANa! koNkanatu n'aTpE
tillai vEli iv Urk
kallen kauvai ezAakkAlE.
vAyil vENTi van'ta pANan talaimakan kAtanmai kURinAnAka, talaimakaL vAyil maRuppAL avaRkuk kURiyatu. 1
132
amma vAzi, pANa! punnai
arumpu mali kAnal iv Ur
alar AkinRu, avar aruLumARE.
vAyil vENTi van'ta pANan, 'n'Ir koTumai kURa vENTA; n'ummEl aruL uTaiyar' enRARkut talaimakaL colliyatu. 2
133
yAn evan ceykO? pANa! AnAtu
mellam pulampan pirin'tena,
pullenRana, en puri vaLait tOLE!
vAyilAyp pukun'ta pANan talaimakaL tOL melivu kaNTu, 'manaippuRattup pOy van'ta tuNaiyAnE ivvARu vERupaTutal takAtu' enRARku avaL colliyatu. 3
134
kANmati, pANa! irug kazip...
pAypari n'eTun' tErk koNkanoTu
tAn van'tanRu, en mAmaik kavinE.
pirivinkaN talaimakaL kavin tolaivu kaNTu veRuttu ozukukinRa pANaRkut talaimakan van'tuzik kavin eytiya talaimakaL colliyatu. 4
135
paitalam allEm, pANa! paNait tOL,
aitu amain'tu akanRa alkul,
n'eytal am kaNNiyai n'Ertal n'Am peRinE.
parattai oruttiyait talaippeyvAn vENTi atanait talaimakan maRaittu ozukukinRatu aRin'ta talaimakaL avan kETkumARRAl pANaRkuc colliyatu. 5
136
n'AN ilai manRa, pANa! n'IyE
kOL n'Er ilagku vaLai n'ekiztta
kAnal am tuRaivaRkuc col ukuppOyE!
vAyilAyp pukun'tu talaimakan kuNam kURiya pANaRku vAyil maRukkum talaimakaL colliyatu. 6
137
n'in onRu vinavuval, pANa! n'um Urt
tiN tErk koNkanai n'ayan'tOr
paNTait tam n'alam peRupavO maRRE?
talaimakan vAyil peRRup pukun'tu n'Igkina iTattum, avan munpu ceyta tIgku n'inain'tu talaimakaL vERupaTTirun'tALAka, ini ' in'ta vERupATu en?' enRu vinaviya pANaRku avaL colliyatu 7
138
paNpu ilai manRa, pANa! iv Ur
anpu ila kaTiya kazaRi,
men pulak koNkanait tArAtOyE!
talaimakan vAyil peRRup pukun'tatu aRiyAtu van'ta pANaRkut talaimakaL n'akaiyATic colliyatu. 8
139
amma vAzi, koNka! em vayin
mAN n'alam maruTTum n'inninum,
pANan n'allOr n'alam citaikkummE.
ARRAmai vAyilAkap pukun'tirun'ta talaimakaRkup pANan van'tuzit talaimakaL colliyatu. 9
140
kANmati, pANa! n'I uraittaRku uriyai
tuRai kezu koNkan pirin'tena,
iRai kEz el vaLai n'Igkiya n'ilaiyE.
pANan tUtAkic cella vENTum kuRippinaLAkiya talaimakaL avaRkut tan melivu kATTic colliyatu. 10