Primary tabs
181-190
181
n'eytal uNkaN, n'Er iRaip paNait tOL
poytal ATiya poyyA makaLir
kuppai veN maNal kuravai n'iRUum
tuRai kezu koNkan n'alkin,
5
uRaivu initu, amma! iv azugkal UrE.
'ik kaLavozukkam n'eTitu collin, iv UrkkaN alar piRakkum' enRu ajciyirun'ta talaivi, 'talaimakan varain'tu koLLat tuNin'tAn' enRu kURiya tOzikkuc colliyatu. 1
182
n'eytal n'aRu malar cerun'tiyoTu viraiik
kai punai n'aRun' tAr kamazum mArpan
arun' tiRal kaTavuL allan
perun' tuRaik kaNTu, ivaL aNagkiyOnE.
talaimakaL melivukaNTu, 'teyvattAl AyiRRu' enat tamar n'inain'tuzi, tOzi aRattoTu n'inRatu. 2
183
[kaNagkoL aruvik kAn kezu n'ATan
kuRumpoRai n'ATan, n'alvayal Uran,]
taN kaTal cErppan pirin'tena, paNTaiyin
kaTum pakal varuti kaiyaRu mAlai!
5
koTugkazi n'eytalum kUmpak
kAlai varinum, kaLaijarO ilarE.
varaiviTaivaittup pirin'tuzi ARRALAkiya talaimakaL mAlaikkuc colliyatu. (mutaliraNTu aTikaL cila piratikaLil kANappaTukinRana.) 3
184
n'eytal irug kazi n'eytal n'Ikki
mIn uN kurukinam kAnal alkum
kaTal aNin'tanRu, avar UrE;
kaTalinum peritu, emakku avaruTai n'aTpE.
vAyil vENTi van'tAr talaimakan anpuTaimai kURiyavazi, vAyil maRukkum talaimakaL colliyatu. 4
185
alagkuitaz n'eytal koRkai muntuRai
ilagku muttu uRaikkum eyiRu kezu tuvar vAy,
aram pOz av vaLaik kuRumakaL
n'arampu Arttanna tIm kiLaviyaLE.
'AyamakaLiruL n'innAl n'ayakkappaTTAL yAvaL?' ena vinaviya tOzikkut talaimakan colliyatu. 5
186
n'Arai n'al inam kaTuppa, makaLir
n'Ir vAr kUn'tal uLarum tuRaiva!
'pogkukazi n'eytal uRaippa, it tuRaip
palkAl varUum tEr' ena,
5
'cellAtImO' enRanaL, yAyE.
pakaRkuRikkaN van'tu n'Igkum talaimakanait tOzi ceRippu aRivuRIi varaivukaTAyatu. 6
187
n'otumalALar koLLAr ivaiyE;
emmoTu van'tu kaTal ATu makaLirum
n'eytal am pakaittazaip pAvai punaiyAr;
uTalakam koLvOr inmaiyin,
5
toTalaikku uRRa cila pUvinarE.
tOzi kaiyuRai maRuttatu. 7
188
irug kazic cEyiRA inap puL Arum
koRkaik kOmAn koRkaiam perun' tuRai
vaikaRai malarum n'eytal pOlat
takai peritu uTaiya, kAtali kaNNE!
virun'tu vAyilAkap pukun'ta talaimakan talaivi ilvAzkkaic ciRappuk kaNTu, makizn'tu colliyatu. 8
189
punnai n'uN tAtu uRaittaru n'eytal
ponpaTu maNiyin poRpat tOnRum
mellam pulampan van'tena,
n'allaAyina tOzi! en kaNNE.
varaiviTai vaittup pirin'ta talaimakan varaivAn van'tuzik kaNTu uvakaiyOTu van'ta tOzi, 'n'in kaN malarccikkuk kAraNam en?' enRu vinAviya talaivikkut colliyatu. 9
190
taN n'aRu n'eytal taLai aviz vAn pU
veNNel arin'ar mARRinar aRukkum
mellam pulampan manRa em
pal itaz uNkaN pani ceytOnE.
tOzi cevilikku aRattoTu n'inRatu. 10