Primary tabs
191-200
191
kaTaRkOTu ceRin'ta, mayir vAr munkai,
kazip pUt toTarn'ta irum pal kUn'tal,
kAnal jAzal kavin peRum tazaiyaL.
varaiyara makaLirin ariyaL en
5
n'iRai aru n'ejcam koNTu oLittOLE.
'n'innAl kANappaTTavaL evviTattu ettanmaiyaL?' enRu vinAviya pAgkaRkut talaimakan kURiyatu. 1
192
kOTu pulam koTpa, kaTal ezun'tu muzagka,
pATu imiz panit tuRai OTu kalam ukaikkum
tuRaivan pirin'tena, n'ekizn'tana,
vIgkina mAtO tOzi! en vaLaiyE!
varaiviTai vaittup pirin'ta talaimakan van'tuzit talaivi munin'tu kURuvALpOlat tan melivu n'Igkinamai tOzikkut colliyatu. 2
193
valampuri uzuta vAr maNal aTaikarai
ilagku katir muttam iruL keTa imaikkum
tuRai kezu koNka! n'I tan'ta
aRaipunal vAl vaLai n'allavO tAmE?
varaiyAtu van'tu ozukum talaimakan talaimakaTku vaLaikoNTu van'tu koTuttuzi, 'paNTai vaLai pOlAvAy, melin'tuzi n'IgkA n'alan uTaiyavO ivai?' enat talaimakaL melivu collit tOzi varaivukaTAyatu. 3
194
kaTaR kOTu aRutta, aram pOz av vaLai
oN toTi maTavaral kaNTikum; koNka!
n'al n'utal inRu mAl ceytena,
kon onRu kaTuttanaL, annaiyatu n'ilaiyE.
pakaRkuRikkaN van'tu n'Igkum talaimakanait tOzi etirppaTTu manaikkaN n'ikazn'tatu kURi, ceRippu aRivuRIi, varaivu kaTAyatu. 4
195
vaLai paTu muttam paratavar pakarum
kaTal kezu koNkan kAtal maTa makaL
keTal arun' tuyaram n'alki,
paTal in pAyal vauviyOLE.
varaiviTai vaittup poruLvayiR pirin'ta talaimakan tanittu uRaiya ARRAnAyc colliyatu. 5
196
kOTu Ir el vaLai, kozum pal kUn'tal,
Ay toTi, maTavaral vENTutiAyin
teN kazic cEyiRAp paTUum
taN kaTal cErppa! varain'tanai koNmO.
kuRai maRukkappaTTa talaimakan pinnum kuRaivENTiyavazit tOzi colliyatu. 6
197
ilagku vaLai teLirppa alavan ATTi,
mukam putai katuppinaL, iRaijci n'inROLE
pulampu koL mAlai maRaiya
n'alam kEz Akam n'alkuvaL enakkE.
talaimakan iTan'talaippATTinkaN talaiviyatu n'ilaimai kaNTu colliyatu. 7
198
vaLai aNi munkai, vAl eyiRRu amar n'akai,
iLaiyar ATum taLai aviz kAnal,
kuRun' tuRai vinavi n'inRa
n'eTun' tOL aNNal kaNTikum, yAmE.
parattaiyar manaikkaN pal n'AL tagki, pinpu ARRAmaiyE vAyilAka van'ta talaimakanai etirppaTTa tOzi talaimakaTkuc colliyatu. 8
199
kAnal am perun' tuRaik kalitirai tiLaikkum
vAn uyar n'eTu maNal ERi, AnAtu,
kANkam vammO tOzi!
ceRivaLai n'ekizttOn eRikaTal n'ATE!
talaimakan oruvazit taNan'tuzi ARRALAkiya talaimakaLai ARRuvikkum tOzi colliyatu. 9
200
ilagku vIgku elvaLai! Ayn'utal kavina,
polan'tErk koNkan van'tanan iniyE;
vilagku ari n'eTug kaN jekizmati;
n'alam kavar pacalaiyai n'akukam n'AmE!
uTanpOkkut tuNin'tavazi, ataRku iravinkaN talaimakan van'tatu aRin'ta tOzi talaimakaLaip pAyal uNarttic colliyatu. 10