Primary tabs
201-210
201
annAy, vAzi! vENTu, annai! ennai
tAnum malain'tAn; emakkum tazai Ayina;
pon vI maNi arumpinavE
enna maramkol, avar cAralavvE!
n'otumalar varaivinkaN cevili kETkumARRAl talaimakaL tOzikku aRattoTun'ilai kuRittu uraittatu. 1
202
annAy, vAzi! vENTu, annai! n'am Urp
pArppanak kuRumakap pOlat tAmum
kuTumit talaiya manRa
n'eTu malai n'ATan Urn'ta mAvE.
talaimakan varaital vENTit tAnE varukinRamai kaNTa tOzi uvan'ta uLLattaLAyt talaimakaTkuk kATTic colliyatu. 2
203
annAy, vAzi! vENTu, annai! n'am paTappait
tEn mayagku pAlinum iniya avar n'ATTu
uvalaik kUval kIza
mAn uNTu ejciya kalizi n'IrE.
uTanpOy mINTa talaimakaL, 'n'I cenRa n'ATTu n'Ir iniya alla; n'I egganam n'ukarn'tAy?' enak kETTa tOzikkuk kURiyatu. 3
204
annAy, vAzi, vENTu, annai! aHtu evankol?
varaiyara makaLirin n'iraiyuTan kuzIi,
peyarvuzip peyarvuzit tavirAtu n'Okki,
n'allaL n'allaL enpa;
5
tIyEn tilla, malai kizavORkE!
varaiyAtu van'tozukum talaimakan ciRaippuRattAnAkat talaimakaL tOzikkuc colliyatu. 4
205
annAy, vAzi! vENTu, annai! en tOzi
n'ani n'AN uTaiyaL; n'innum ajcum;
oli veL aruvi Ogku malai n'ATan
malarn'ta mArpin pAyal
5
tava n'ani veyyaL; n'OkO; yAnE.
n'otumalar varaivu vENTi viTTuzit talaimakaTku uLatAkiya varuttam n'Okki, 'ivaL ivvARu AtaRkuk kAraNam ennai?' enRu vinaviya cevilikkut tOzi aRattoTu n'inRatu. 5
206
annAy, vAzi! vENTu, annai! uvakkAN
mArik kunRattuk kAppAL annan;
tUvalin n'anain'ta toTalai oL vAL,
pAci cUzn'ta perug kazal,
5
taN pani vaikiya varik kaccinanE!
iravukkuRikkaN talaimakan van'tu kuRiyiTattu n'inRamai aRin'ta tOzi talaimakaTkuc colliyatu. 6
207
annAy, vAzi! vENTu, annai! n'anRum
uNagkala kollO, n'in tinaiyE? uvakkAN
n'iNam poti vazukkin tOnRum,
mazai talaivaittu, avar maNi n'eTug kunRE.
'mazaiyinmaiyAl tinai uNagkum; viLaiyamATTA; punagkAppac cenRu avarai etirppaTalAm enRu eNNiyirun'ta itu kUTAtAyiRRu' ena veRuttirun'ta talaimakaTkut tOzi colliyatu. 7
208
annAy, vAzi! vENTu, annai! kAnavar
kizagku akaz n'eTug kuzi malka vEgkaip
pon mali putu vI tAam avar n'ATTu,
maNi n'iRa mAl varai maRaitoRu, ivaL
5
aRai malar n'eTug kaN Arn'tana paniyE.
cevilikku aRattoTu n'inRa tOzi, avaLAl varaivu mATcimaip paTTa pinpu, 'ivaL ivvARu paTTa varuttam ellAm n'innin tIrn'tatu' enpatu kuRippin tOnRa avaTkuc colliyatu. 8
209
annAy, vAzi! vENTu, annai! n'I maRRu
yAn avar maRattal vENTuti Ayin,
koNTal avaraip pUvin anna
veN talai mA mazai cUTi,
5
tOnRal AnAtu, avar maNi n'eTug kunRE.
varaiviTai vaittuppirivinkaN avanai n'inaivu viTAtu ARRALAkiyavazi, 'ciRitu maRan'tu ARRa vENTum' enRa tOzikkut talaimakaL kURiyatu. 9
210
annAy, vAzi! vENTu, annai! n'am paTappaip
pulavuc cEr tuRukal ERi, avar n'ATTup
pUk kezu kunRam n'Okki n'inRu,
maNi purai vayagku izai n'ilaipeRat
5
taNitaRkum urittu, avaL uRRa n'OyE.
kAppu mikutikkaN talaimakaL melivukaNTu, 'teyvattinAn AyiRRu' enRu veRiyeTuppuzi, tOzi cevilikku aRattoTu n'inRatu. 10