Primary tabs
241-250
241
n'am uRu tuyaram n'Okki, annai
vElan tan'tanaL Ayin, av vElan
veRi kamaz n'ATan kENmai
aRiyumO tilla? ceRi eyiRROyE!
iRceRittavazit talaimakaTku eytiya melivu kaNTu, 'iHtu eRRinAn AyiRRu?' enRu vElanaik kETpat tuNin'tuzi, aRattoTun'ilai tuNin'ta tOzi cevili kETkumARRAl talaimakaTkuc colliyatu. 1
242
aRiyAmaiyin, 'veRi' ena mayagki,
annaiyum arun' tuyar uzan'tanaL; atanAl,
eyyAtu viTutalO koTitE n'irai itaz
Ay malar uNkaN pacappa,
5
cEy malai n'ATan ceyta n'OyE.
talaimakaL aRattoTun'ilai n'ayappa vENTit tOzi avaTkuc colliyatu. 2
243
kaRi vaLar cilampiR kaTavuL pENi,
aRiyA vElan, 'veRi' enak kURum;
atu manam koLkuvai, anai! ivaL
putu malar mazaik kaN pulampiya n'OykkE.
tAyuzai aRiyAmai kURit tOzi veRi vilakkiyatu. 3
244
amma vAzi, tOzi! pal malar
n'aRun' taN cOlai n'ATu kezu n'eTun'takai
kunRam pATAn Ayin,
en payam ceyyumO vElaRku veRiyE?
veRiyATal tuNin'tuzi, vilakkaluRun' tOzi cevili kETkumARRAl talaimakaTkuc colliyatu. 4
245
poyyA marapin Ur mutu vElan
kazagku meyppaTuttu, kannam tUkki,
'muruku' ena moziyum Ayin,
kezutakaikol ivaL aNagkiyORkE?
talaimakan ciRaippuRattAnAka, veRi aRivuRIit tOzi varaivu kaTAyatu. 5
246
veRi ceRittananE, vElan kaRiya
kal mukai vayap puli kazagku meyppaTUu,
..................................................................................................................
meymmai anna peNpAR puNarn'tu,
5
manRil paiyuL tIrum
kunRa n'ATan uRIiya n'OyE.
varaiyAtu van'tozukum talaimakan ciRaippuRattAnAy n'inRuzi, avan kETkumARRAl veRi n'ikazAn'inRamai tOzi talaimakaTkuc colliyatu. 6
247
annai tan'tatu Akuvatu aRiven:
pon n'akar varaippil kannam tUkki,
'muruku' ena moziyum Ayin,
aru varai n'ATan peyarkolO, atuvE?
veRi vilakkaluRum tOzi tamar kETpat talaimakaLai vinavuvALAyc colliyatu. 7
248
peymmaNal muRRam kavin peRa iyaRRi,
malai vAn koNTa cinaiiya vElan
kazagkinAn aRikuvatu enRAl,
n'anRAl amma, n'inRa ivaL n'alanE!
'talaimakaL vERupATu kazagkinAl teriyum' enRu vElan kURiyavazi, atanaip 'poy' ena ikazn'ta tOzi veRi vilakkic cevilikku aRattoTu n'inRatu. 8
249
peymmaNal varaippil kazagku paTuttu, annaikku,
'muruku' ena moziyum vElan; maRRu avan
vAziya ilagkum aruvic
cUr malai n'ATanai aRiyAtOnE!
vElan kURiya mARRattai meyyenak koNTa tAy kETpat talaimakaTkut tOzi kURiyatu. 9
250
poy paTupu aRiyAk kazagkE! meyyE
maNi varaik kaTci maTa mayil Alum n'am
malarn'ta vaLLiam kAnag kizavOn;
ANtakai viRal vEL allan ivaL
5
pUN tAgku iLamulai aNagkiyOnE.
'talaimakaTku van'ta n'Oy murukanAl van'tamai ik kazagku kURiRRu' enRu vElan connAn enpatu kETTa tOzi ak kazagkiRku uraippALAy, cevili kETkumARRAl aRattoTun'ilai kuRittuc colliyatu. 10