Primary tabs
251-260
251
kunRak kuRavan Arppin, ezili
n'uN pal azi tuLi poziyum n'ATa!
n'eTu varaip paTappai n'um Urk
kaTu varal aruvi kANinum azumE.
varaiyAtu van'tozukum talaimakaRku varaivu vETTa tOzi kURiyatu. 1
252
kunRak kuRavan pul vEy kurampai
manRu ATu iLa mazai maRaikkum n'ATan
puraiyOn vAzi, tOzi! virai peyal
arum pani aLaiiya kUtirp
5
perun' taN vATaiyin mun'tu van'tananE.
varaiviTai vaittup pirin'ta talaimakan kuRitta paruvattukku munnE van'tAnAka, uvan'ta tOzi talaimakaTkuc colliyatu. 2
253
kunRak kuRavan cAn'ta n'aRum pukai
tEm kamaz cilampin varaiyakam kamazum
kAnaka n'ATan varaiyin,
manRalum uTaiyaLkol tOzi! yAyE?
'varaiviTai vaittup pirin'ta talaimakan varaivoTu pukutarAn'inRAn' enpatu tOzi kURak kETTa talaimakan avaTkuc colliyatu. 3
254
kunRak kuRavan Aram aRuttena,
n'aRum pukai cUzn'tu kAn'taL n'ARum
vaNTu imir cuTar n'utal kuRumakaL!
koNTanar, celvar tam kunRu kezu n'ATTE.
uTanpOkku uTanpaTa vENTiya tOzi talaimakaTkuc colliyatu. 4
255
kunRak kuRavan kAtal maTa makaL
varaiyara makaLirp puraiyum cAyalaL;
aiyaL; arumpiya mulaiyaL;
ceyya vAyinaL; mArpinaL, cuNagkE.
'n'innAl kANappaTTavaL ettanmaiyaL?' enRa pAgkaRkut talaimakan colliyatu. 5
256
kunRak kuRavan kAtal maTa makaL
vaNTu paTu kUn'tal taN tazaik koTicci;
vaLaiyaL; muLai vAL eyiRRaL;
iLaiyaL Ayinum, Ar aNagkinaLE.
'n'I kURukinRavaL n'innai varuttum paruvattAL allaL' enRa tOzikkut talaimakan colliyatu. 6
257
kunRak kuRavan kaTavuL pENi,
iran'tanan peRRa el vaLaik kuRumakaL
Ay ari n'eTug kaN kaliza,
cEyatAl teyya n'I piriyum n'ATE.
'varaiviTai vaittup pirival' enRa talaimakaRkut tOzi uTanpaTAtu kURiyatu. 7
258
kunRak kuRavan kAtal maTa makaL
aNi mayil anna acai n'aTaik koTicciyaip
peru varai n'ATan varaiyum Ayin,
koTuttanem AyinO n'anRE
5
innum AnAtu, n'annutal tuyarE.
varaivu vENTiviTa maRuttuzit tamarkku uraippALAy, varaiyAtu van'tozukum talaimakaRkut tOzi, avan malai kANTalE paRRAkat tAgkaL uyir vAzkinRamai tOnRac colliyatu. 8
259
kunRa kuRavan kAtal maTa makaL
manRa vEgkai malar cila koNTu,
malai uRai kaTavuL kulamutal vazutti,
tEm palic ceyta Ir n'aRug kaiyaL;
5
malarn'ta kAn'taL n'ARik
kalizn'ta kaNNaL em aNagkiyOLE.
varaiyat tuNin'ta talaimakan varaivu muTittaRkut talaimakaL varun'tukinRa varuttam tOzi kATTak kaNTu, 'ini atu kaTuka muTiyum' ena uvan'ta uLLattanAy, tannuLLE colliyatu. 9
260
kunRak kuRavan kAtal maTa makaL,
men tOL koTicciyaip peRaRku aritu tilla
paim puRap paTu kiLi Oppalar;
punpula mayakkattu viLain'tana tinaiyE!
pakaRkuRikkaN van'ta talaimakanait tOzi, 'inip punagkAvaRku vArOm' enakkURi varaivu kaTAyatu. 10