Primary tabs
271-280
271
avarai arun'ta man'ti pakarvar
pakkin tOnRum n'ATan vENTin,
pacuppOl peNTirum peRukuvan;
tol kEL Akalin, n'alkumAl ivaTkE.
talaimakan varaivuvENTiviTat tamar maRuttuzi, cevilikkut tOzi aRattoTu n'inRatu. 1
272
karu viral man'tik kallA van paRaz
aru varait tIm tEn eTuppi, ayalatu
uru kezu n'eTuj cinaip pAyum n'ATan
iravin varutal aRiyAn;
5
'varum varum' enpa tOzi! yAyE.
allakuRippaTTu n'Igkum talaimakan ciRaippuRattAnAka, munnai n'AL n'ikazn'tatanait tOzikkuc colluvAL pOnRu, talaimakaL colliyatu. 2
273
attac ceyalait tuppu uRaz oN taLir
pun talai man'ti van paRaz Arum
n'al malai n'ATa! n'I celin,
n'in n'ayan'tu uRaivi enninum kalizmE.
varaiviTai vaittup piriyum talaimakan 'n'in tuNaiviyai uTampaTuvittEn; ini n'IyE itaRku uTampaTAtu kalizkinRAy' enRARkut tOzi kURiyatu. 3
274
man'tik kaNavan kallAk kaTuvan,
oN kEz vayappuli kuzumalin, virain'tu, uTan
kunRu uyar aTukkam koLLum n'ATan
cenRanan vAzi, tOzi! en
5
men tOL kavinum, pAyalum, koNTE.
varaiviTai vaittup pirin'tuzi, ARRuvikkum tOzikkut talaimakaL colliyatu. 4
275
kuragkin talaivan kuru mayirk kaTuvan
cUral am ciRu kOl koNTu, viyal aRai
mAri mokkuL puTaikkum n'ATa!
yAm n'in n'ayan'tanam eninum, em
5
Ayn'alam vATumO aruLuti eninE?
varaiyAtu van'tozukum talaimakan iTaiyiTTu varutalAl, etirppATu peRAta tOzi kuRiyiTattu etirppaTTu, avan koTumai kURi, n'erugkic colliyatu. 5
276
man'tik kAtalan muRi mEy kaTuvan
taN kamaz n'aRaik koTi koNTu, viyal aRaip
pogkal iLa mazai puTaikkum n'ATa!
n'ayavAy Ayinum varain'tanai cenmO
5
kal mukai vEgkai malarum
n'al malai n'ATan peNTu enap paTuttE!
varaiyAtu van'tozukum talaimakanait tOzi n'erugkic colliyatu. 6
277
kuRavar munRil mA tINTu tuRukal
kallA man'ti kaTuvanOTu ukaLum
kunRa n'ATa! n'in mozival; enRum,
payappa n'Ittal en ivaL
5
kayattu vaLar kuvaLaiyin amartta kaNNE.
varaiyAtu van'tozukum talaimakan puNarn'tu n'Igkuzi, etirppaTTa tOzi varaivu kaTAyatu. 7
278
cilampin vetirattuk kaNviTu kazaikkOl
kuragkin van paRaz pAyn'tena, ilajci
mIn eRi tUNTilin n'ivakkum n'ATan
uRROr maRavA n'Oy tan'tu,
5
kaNTOr taNTA n'alam koNTananE!
varaiyAtu van'tozukum talaimakan ciRaippuRattAnAka, talaimakaL tOzikkuc colliyatu. 8
279
kal ivar iRRi pulluvana ERik
kuLavi mEyn'ta man'ti tuNaiyoTu
varaimicai ukaLum n'ATa! n'I varin,
kal akattatu em UrE;
5
ampal cEri alar AgkaTTE.
iravukkuRi vENTum talaimakanait tOzi varavu arumai kURi maRuttatu. 9
280
karu viral man'tik kallA van pArppu
iru vetir Irg kazai ERi, ciRu kOl
mati puTaippatu pOl tOnRum n'ATa!
varain'tanai n'I enak kETTu yAn
5
uraittanen allenO aHtu en yAykkE?
puNarn'tu uTanpOkiya talaimakan talaimakaLaik karaNa vakaiyAn varain'tAnAka, etir cenRa tOzikku, 'ini yAn ivaLai varain'tamai n'umarkku uNartta vENTum' enRAnAka, avaL colliyatu. 10