Primary tabs
291-300
291
mayilkaL Alak kuTijai iraTTum
tuRukal aTukkattatuvE paNait tOL,
Ay tazai n'uTagkum alkul,
kAtali uRaiyum n'ani n'al UrE.
varaiviTai vaittup pirin'tu mILkinRa talaimakan colliyatu. 1
292
mayilkaL Ala, perun' tEn imira,
taN mazai tazIiya mA malai n'ATa!
n'inninum ciRan'tanaL, emakkE n'I n'ayan'tu
n'al manai arug kaTi ayara,
5
em n'alam ciRappa, yAm inip peRROLE.
pinmuRai Akkiya perum poruL vatuvai muTittavaLai illattuk koNTu pukun'tuzi, talaimakaL uvan'tu colliyatu. 2
293
cilampu kamaz kAn'taL n'aRug kulai anna
n'alam peRu kaiyin en kaN putaittOyE!
pAyal in tuNai Akiya paNait tOL
tOkai mATciya maTan'tai!
5
n'I alatu uLarO en n'ejcu amarn'tOrE?
pakaRkuRiyiTam pukka talaimakan, talaivi pinnAka maRaiya van'tu kaN putaittuzi, colliyatu. 3
294
eri maruL vEgkai irun'ta tOkai
izai aNi maTan'taiyin tOnRum n'ATa!
initu ceytanaiyAl; n'un'tai vAziyar!
n'al manai vatuvai ayara, ivaL
5
pin irug kUn'tal malar aNin'tOyE!
vatuvai cellAn'inRuzit talaimakaRkut tOzi kURiyatu. 4
295
varuvatukollO tAnE vArAtu
avaN uRai mEvalin, amaivatu kollO
punavar koLLiyin pukal varum majjai,
iruvi irun'ta kuruvi varun'tuRa,
5
pan'tu ATu makaLirin paTartarum
kunRu kezu n'ATanoTu cenRa en n'ejcE?
talaimakan varaiviTai vaittup pirin'tu n'ITTittuzi, uTancenRa n'ejcinait talaimakaL n'inain'tu kURiyatu. 5
296
koTicci kAkkum perug kural Enal
aTukkal majjai kavarum n'ATa!
n'aTun'AL kagkulum varuti;
kaTu mA tAkkin, aRiyEn yAnE.
iravukkuRi varukinRa talaimakaRkut tOzi ARRarumai kURi maRuttatu. 6
297
virin'ta vEgkaip peruj cinait tOkai
pUk koy makaLirin tOnRum n'ATa!
piriyinum, pirivatu anRE
n'innoTu mEya maTan'tai n'aTpE.
oruvazit taNan'tu varaiya vENTum enRa talaimakaRkut tOzi kURiyatu. 7
298
mazai varavu aRiyA majjai Alum
aTukkal n'al Ur acain'aTaik koTicci
tAn em aruLAL Ayinum,
yAm tan uLLupu maRan'taRiyEmE!
talaimakaRkuk kuRai n'Ern'ta tOzi talaimakaTku uNarttiya vazi, avaL n'ANattinAl maRaittu ozukiya atanaik kURakkETTa talaimakan colliyatu. 8
299
kunRa n'ATan kunRattuk kavAan,
paij cunaip pUtta pakuvAyk kuvaLaiyum
am cil Oti acain'aTaik koTicci
kaNpOl malartalum aritu; ivaL
5
tan pOl cAyal majjaikkum aritE.
iyaRkaip puNarcci puNarn'tu n'Igkiya n'ilaimaikkaN, talaimakaL Aya veLLattOTu kUTi n'iRkak kaNTa talaimakan makizn'ta uLLattAnAyt tannuLLE colliyatu. 9
300
koTicci kUn'tal pOlat tOkai
am ciRai virikkum perug kal veRpan
van'tanan; etirn'tanar koTaiyE;
am tIm kiLavi! polika, n'in ciRappE!
talaimakan tAnE varaivu vENTiviTa, cuRRattAr koTai n'Ern'tamai talaimakaTkut tOzi colliyatu.