Primary tabs
351-360
351
attap palavin veyil tin ciRu kAy,
aruj curam celvOr, arun'tinar kaziyum
kATu pin oziya van'tanar; tIrka, ini
pal itaz uNkaN maTan'tai! n'in
5
n'al ezil alkul vATiya n'ilaiyE.
pirin'ta talaimakan varavu uNarn'ta tOzi talaimakaTkuc colliyatu. 1
352
vizut toTai maRavar vil iTat tolain'tOr
ezuttuTai n'aTukal anna vizup piNarp
perug kai yAnai iruj cinam uRaikkum
vej curam 'ariya' ennAr,
5
van'tanar tOzi! n'am kAtalOrE!
ituvum atu. 2
353
erik koTi kavaiiya cev varai pOlac
cuTarp pUN viLagkum En'tu ezil akalam
n'I initu muyagka, van'tanar
mA iruj cOlai malai iRan'tOrE.
ituvum atu. 3
354
Irm piNavu puNarn'ta cen'n'Ay ERRai
maRiyuTai mAn piNai koLLAtu kaziyum
ariya curan van'tanarE
teriizai arivai! n'in paNpu tara virain'tE.
ituvum atu. 4
355
tirun'tuizai arivai! n'in n'alam uLLi,
'aruj ceyal poruLpiNi perun' tiru uRuka!' enac
collAtu peyar tan'tEnE pal poRic
ciRu kaN yAnai tiritarum
5
n'eRi vilagku atara kAnattAnE.
n'inain'ta ellaiyaLavum poruL muRRi n'illAtu, peRRa poruL koNTu, talaiviyai n'inain'tu, mINTa talaimakan avaTkuc colliyatu. 5
356
uLLutaRku iniyamanRa celvar
yAnai piNitta pon punai kayiRRin,
oL eri mEyn'ta curattiTai
uLLam vAgka, tan'ta n'in kuNanE.
vinai muRRi mINTu van'ta talaimakan talaivikku avaL kuNam pukazn'tu kURiyatu. 6
357
kuravam malara, maravam pUppa,
curan aNi koNTa kAnam kANUu,
'azugkuka, ceyporuL celavu!' ena virumpi, n'in
am kaliz mAmai kavina
5
van'tanar tOzi! n'am kAtalOrE.
poruLvayiR pirin'tu ANTu uRaikinRa talaimakan kuRitta paruva varavu kaNTu, kaTitin mINTu van'tamai tOzi talaimakaTkuc colliyatu. 7
358
kOTu uyar pal malai iRan'tanar Ayinum,
n'ITa viTumO maRRE n'ITu n'inain'tu,
tuTaittoRum tuTaittoRum kalagki,
uTaittu ezu veLLam Akiya kaNNE?
talaimakaL ARRAmai kaNTu pirin'ta talaimakan van'tananAkat tOzi colliyatu. 8
359
arum poruL vETkaiyam Aki, n'iR tuRan'tu,
perug kal atariTaip pirin'ta kAlait
tava n'ani n'eTiya Ayina; iniyE,
aNiyizai uLLi yAm varutalin
5
n'aNiya Ayina curattiTai ARE.
mINTu van'ta talaimakan avaLaip pirikinRa kAlattuc curattuc cEymaiyum, varukinRa kAlattu atan aNimaiyum, kURiyatu. 9
360
eri kavarn'tu uNTa enRUz n'IL iTai
ariya Ayinum, eLiya anRE
avavu uRu n'ejcam kavavu n'ani virumpi,
kaTu mAn tiN tEr kaTaii,
5
n'eTu mAn n'Okki! n'in uLLi yAm varavE!
vinaimuRRi mINTu van'ta talaimakan, 'curattu arumai n'OkkAtu van'tavARu ennai?' ena vinaviya talaimakaTkuc colliyatu. 10