Primary tabs
391-400
391
maRu il tUvic ciRu karug kAkkai!
anpuTai marapin n'in kiLaiyOTu Arap
paccUn peyta pain' n'iNa valci
polam punai kalattil tarukuven mAtO;
5
vejcina viRal vEl kALaiyoTu
amcil Otiyai varak karain'tImE.
uTanpOkiya talaimakaL mITaRporuTTu, tAy kAkattiRkup parAykkaTan uraittatu. 1
392
vEy vanappu izan'ta tOLum, veyil teRa
Aykavin tolain'ta n'utalum, n'Okkip
pariyal vAzi, tOzi! pariyin,
ellai il iTumpai tarUum
5
n'al varai n'ATanoTu van'tamARE.
uTanpOy mINTu van'ta talaimakaL vazivaral varuttag kaNTu, ARRALAkiya tOzikkuc colliyatu. 2
393
tuRan'tataR koNTu tuyar aTac cAay,
aRam pulan'tu pazikkum aLaikaNATTi!
evva n'ejciRku Emam Aka
van'tanaLO n'in maTa makaL
5
ven' tiRal veL vEl viTalai mun'tuRavE?
uTanpOyt talaimakaL mINTu van'tuzi, ayalOr avaL tAykkuc colliyatu. 3
394
mANpu il koLkaiyoTu mayagku tuyar ceyta
anpu il aRanum aruLiRRu manRa;
vej curam iRan'ta am cil Oti,
peru maTa mAn piNai alaitta
5
ciRu n'utal kuRumakaL kATTiya vammE.
uTanpOyt talaimakaL van'tuzi, tAy cuRRattArkkuc colliyatu. 4
395
muLi vayirp piRan'ta, vaLi vaLar kUr eric
cuTar viTu n'eTug koTi viTar mukai muzagkum
innA aruj curam tIrn'tanam; menmela
Ekumati vAziyO, kuRumakaL! pOtu kalan'tu
5
kaRagku icai aruvi vIzum,
piRagku iruj cOlai, n'am malai kezu n'ATTE.
uTanpOy mILkinRa talaimakan talaimakaTkuc colliyatu. 5
396
pulip poRi vEgkaip pon iNar koytu n'in
katuppu ayal aNiyum aLavai, paipayac
curattiTai ayarcciyai ARukam maTan'tai!
kal kezu ciRappin n'am Ur
5
el virun'tu Akip pukukam, n'AmE.
ituvum atu. 6
397
'kaviz mayir eruttin cen'n'Ay ERRai
kuruLaip panRi koLLAtu kaziyum
curam n'ani vArAn'inRanaL' enpatu
munnuRa virain'ta n'Ir uraimin
5
in n'akai muRuval en AyattOrkkE.
uTanpOy mILkinRa talaimakaL tan Urkkuc colkinRAraik kaNTu kURiyatu. 7
398
'puLLum aRiyAp pal pazam pazuni,
maTa mAn aRiyAt taTa n'Ir n'ilaii,
curam n'ani iniya Akuka!' enRu
n'inaittoRum kalizum enninum
5
mikap peritu pulampinRu tOzi! n'am UrE.
talaimakaL mINTu van'tuzi, avaTkut tOzi kURiyatu. 8
399
'n'um manaic cilampu kazIi ayarinum,
em manai vatuvai n'al maNam kazika' enac
collin evanO maRRE ven vEl,
mai aRa viLagkiya kazal aTi,
5
poy val kALaiyai InRa tAykkE?
uTan koNTupOna talaimakan mINTu talaiviyait tan illattukkoNTu pukkuzi, 'avan tAy avaTkuc cilampu kazi n'Onpu ceykinRAL' enak kETTa n'aRRAy ANTun'inRum van'tArkkuc colliyatu. 9
400
maLLar anna maravam tazIi,
makaLir anna ATukoTi n'uTagkum
arum patam koNTa perum pata vEnil,
'kAtal puNarn'tanaL Aki, Ay kazal
5
vej cina viRal vEl kALaiyoTu
inRu pukutarum' ena van'tanRu, tUtE.
uTanpOy vatuvai ayarappaTTa talaivi, 'talaivanOTu inRu varum' enak kETTa cevilittAy n'aRRAykkuc colliyatu. 10