Primary tabs
araicupaTak kaTan'tu
105.tOzi kURRum talaivi kURRum
ERu tazuviyavARRait tOzi talaivikkuk kATTik kURutal
araicu paTak kaTan'tu aTTu, ARRin tan'ta
muraicu kezu mutu kuTi muraN miku celvaRku
cIr miku ciRappinOn tol kuTikku urittu enap
pAr vaLar, muttamoTu paTu kaTal payan'ta
5
Ar kali uvakaiyar orugku uTan kUTi,
'tItu inRu polika!' enat teyvak kaTi ayarmAr,
vIvu il kuTip pin irug kuTi Ayarum,
tA il uLLamoTu tuvanRi, Aypu uTan,
vaL uruL n'EmiyAn vAy vaitta vaLai pOlat
10
teLLitin viLagkum curi n'eRRik kAriyum,
oru kuzaiyavan mArpil oN tAr pOl oLi mikap
poru aRap porun'tiya cem maRu veLLaiyum,
perum peyark kaNicciyOn maNi miTaRRu aNi pOla
irum piNar eruttin En'tu imil kurAlum,
15
aNagkuTai vaccirattOn Ayiram kaN Eykkum
kaNam koL pal poRik kaTuj cinap pukarum,
vEl valAn uTait tAzn'ta viLagku veN tukil Eyppa
vAlitu kiLarn'ta veN kAR cEyum,
kAla munpin piRavum, cAla
20
maTagkalum, kaNicciyum, kAlanum, kURRum,
toTarn'tu cel amaiyattut tuvanRu uyir uNIiya,
uTagku koTpana pOl pukuttanar, tozUu
avvazi,
kAr etir kali oli kaTi iTi urumin iyam kaRagka,
25
Urpu ezu kiLarpu uLar puyal magkulin n'aRai pogka,
n'Er itaz n'irain'irai n'eRi veRik kOtaiyar aNi n'iRpa,
cIr kezu cilai n'ilaic ceyir ikal mikutiyin, cinap potuvar
tUrpu ezu tutai putai tukaL vicumpu uRa eyta,
Arpu, uTan pAyn'tAr, akattu
30
maruppil koNTum, mArpu uRat tazIiyum,
eruttiTai aTagkiyum, imil iRap pulliyum,
tOL iTaip pukutan'tum, tutain'tu pATu ERRum,
n'iraipu mEl cenRArai n'IL maruppu uRac cATi,
koLa iTam koLa viTA n'iRuttana, ERu
35
koLvAraik koLvAraik kOTTuvAyc cAk kutti,
koLvArp peRAak kurUuc cekil kANikA
ceyirin kuRai n'ALAl pin cenRu cATi,
uyir uNNum kURRamum pOnm!
pATu ERRavaraip paTak kutti, ceg kArik
40
kOTu ezun'tu ATum kaNa maNi kANikA
n'akai cAl aviz patam n'Okki, n'aRavin
mukai cUzum tumpiyum pOnm!
iTaip pAyn'tu eruttattuk koNTAnOTu eyti,
miTaip pAyum veL ERu kaNTaikA
45
vAL poru vAnattu, aravin vAyk kOTpaTTup
pOtarum pAl matiyum pOnm!
Agka, ERum potuvarum mARuRRu, mARA
iru peru vEn'tarum ikalik kaNNuRRa
poru kaLam pOlum, tozUu
tOzi tan n'ejcOTu talaivi virumpak kURiyatu
50
vel pukaz uyar n'ilait tol iyal, tutai putai tuLagku imil
n'al ERu koNTa, potuvan mukan n'Okki,
pATu ila, Aya makaL kaN
talaiviyai n'Okkit tOzi kURutal
n'aRun'utAl! enkol aig kUn'tal uLara,
ciRu mullai n'ARiyataRkuk kuRu maRuki,
55
ollAtu uTanRu, emar ceytAr, avan koNTa
kol ERu pOlum katam?
n'eTTirug kUn'talAy! kaNTai iHtu, Or col:
kOTTinattu Ayar makanoTu yAm paTTataRku
em kaN emarO poRuppar; poRAtAr
60
tam kaN poTivatu evan?
talaivi
oNNutAl!
inna uvakai piRitu yAtu yAy ennaik
kaNNuTaik kOlaL alaittataRku, ennai
malar aNi kaNNip potuvanOTu eNNi,
65
alar ceytu viTTatu iv Ur?
onRip pukar inattu Aya makaRku oLLizAy!
inRu evan, ennai emar koTuppatu anRu, avan
mikkut tanmEl cenRa ceg kArik kOTTiTaip
pukkakkAl pukkatu, en n'ejcu?
tOzi
70
ena,
pATu imiz parappakattu aravaNai acaiiya
ATu koL n'EmiyAR paravutum 'n'ATu koNTu,
in icai muracin poruppan, manni
amai varal aruvi Arkkum
75
imaiyattu umparum viLagkuka!' enavE
ERu tazuviyavARRait tOzi talaivikkuk kATTik kURi, avaL ERu tazuviya talaivanai viruppoTu n'OkkiyavARRait tannuLLE kURi, munnark kaLavinkaN tamar kOpittatanaiyum ayalAr poRAtirun'ta tanmaiyinaiyum talaivikkuk kURa, avaLum, 'avar alar kURiyatu n'anRu' enRu kURi,'anRE en n'ejcu kalan'tu viTTatu; ini avar koTuppatAkak kURiya n'ALil ceyvatu en?' ena makizn'tukURa, atu kETTa tOzi, 'yAm agganam kUTi initu irukkumARu kAkkinRa pANTiyan n'ITu vAzumARu teyvattaip paravukam vA' enak kURiyatu (5)