Primary tabs
ilagku oLi maruppin
23.talaivi kURRu
ilagku oLi maruppin kaimmA uLampun'ar,
pulam kaTi kavaNaiyin, pUj cinai utirkkum
vilagku malai vempiya pOkku aru vej curam
taniyE iRappa, yAn ozin'tiruttal
5
n'akutakkanRu, iv azugkal UrkkE:
ini yAn,
uNNalum uNNEn; vAzalum vAzEn
tOL n'alam uNTu tuRakkappaTTOr
vEL n'Ir uNTa kuTai Orannar
10
n'alkun'ar purin'tu n'alan uNappaTTOr
alkun'ar pOkiya Ur Orannar
kUTinar purin'tu kuNan uNappaTTOr
cUTinar iTTa pU Orannar
ena Agku,
15
yAnum n'innakattu anaiyEn; AnAtu,
kolai veg koLkaiyoTu n'Ay akappaTuppa,
valaivarkku amarn'ta maTa mAn pOla,
n'in Agku varUum en n'ejcinai
en Agku vArAtu Ompinai koNmE
pirivu uNarttappaTTu ARRALAya talaivi, emmaiyum uTankoNTu cenminenRATku, uTanpaTAtu avan piriyaluRa, tanatu iRan'tupATu tOnRak kURiyatu