Primary tabs
uN kaTan vazimozin'tu
22.tOzi kURRu
uN kaTan vazimozin'tu irakkugkAl mukanum, tAm
koNTatu koTukkugkAl mukanum, vERAkutal
paNTum iv ulakattu iyaRkai; aHtu inRum
putuvatu anRE pulanuTai mAn'tir!
5
tAy uyir peyta pAvai pOla,
n'alan uTaiyAr mozikkaN tAvAr; tAm tam n'alam
tAtu tEr paRavaiyin arun'tu, iRal koTukkugkAl,
EtilAr kURuvatu evanO, n'in poruL vETkai?
n'aRu mullai n'Er mukai oppa n'iraitta
10
ceRi muRai pArATTinAy; maRRu, em pallin
paRi muRai pArATTinaiyO? aiya!
n'ey iTai n'Ivi maNi oLi viTTanna
aivakai pArATTinAy; maRRu, em kUn'tal
ceyvinai pArATTinaiyO? aiya!
15
kuLan aNi tAmaraip pAcarumpu Eykkum
iLa mulai pArATTinAy; maRRu, em mArpil
taLar mulai pArATTinaiyO? aiya!
ena Agku,
aTar pon avir Eykkum av vari vATa,
20
cuTar kAy curam pOkum n'ummai yAm egkaN
paTar kURa n'inRatum uNTO? toTar kUra,
tuvvAmai van'takkaTai?
pirivu uNarttappaTTa tOzi, ataRku uTampaTAtu, talaimakanai n'erugki, kaLavuk kAlattu ozukkam eTuttuk kATTi ARRuvittu, uTampaTTa vAypATTAn maRuttatu