Primary tabs
ceru miku cina vEn'tan
13.tOzi kURRu
ceru miku cina vEn'tan civan'tu iRutta pulam pOla,
eri mEyn'ta kari vaRalvAy, pukavu kANAvAy,
pori malarn'tanna poRiya maTa mAn,
tiri maruppu ERoTu tEr aRaRku OTa,
5
maral cAya malai vempa, man'ti uyagka,
ural pOl aTiya uTampu uyagku yAnai,
URu n'Ir aTagkalin, uN kayam kANAtu,
cERu cuvaittu, tam cel uyir tAgkum
puyal tuLi mARiya, pOkku aru, vej curam
10
elvaLai! emmoTu n'I varin, yAza n'in
mel iyal mE van'ta cIRaTi, tAmarai
alli cEr Ay itaz arakkut tOyn'tavai pOla,
kal uRin, av aTi kaRukkun'a allavO?
n'alam peRum cuTarn'utAl! emmoTu n'I varin,
15
ilagku mAN avir tUvi anna men cEkkaiyuL
tulagku mAn mEl Urtit tuyil ERpAy, maRRu ANTai
vilagku mAn kural kETpin, veruvuvai allaiyO?
kiLi purai kiLaviyAy! emmoTu n'I varin,
taLi pozi taLir anna ezil mEni takai vATa,
20
muLi aril pottiya muzagku azal iTai pOzn'ta
vaLi uRin, av ezil vATuvai allaiyO?
ena Agku,
anaiyavai kAtalar kURalin, vinaivayiR
pirikuvar enap peritu aziyAti, tiripu uRIi;
25
kaTug kurai arumaiya kATu enin, allatu,
koTugkuzAy! tuRakkun'ar allar
n'aTugkutal kANmAr, n'akai kuRittanarE
talaimakanAl pirivu uNarttappaTTu ARRALAya talaimakaL, yAn n'ummOTu pOtuval enRATku, talaivan avaLatu menmaiyum kATTin kaTumaiyum kURi,uTampaTAnAka, ARRALAya talaiviyait tOzi, avar n'ammOTu n'akaiyATic connAr, pirivarallar ena vaRpuRuttiyatu (12)