Primary tabs
pATu inRip pacan'ta kaN
16.tOzi kURRu
pATu inRip pacan'ta kaN paitala pani malka,
vATupu vanappu OTi vaNagku iRai vaLai Ura,
ATu ezil azivu ajcAtu, akanRavartiRattu, ini
n'ATugkAl, n'inaippatu onRu uTaiyEnman? atuvumtAn
5
tol n'alam tolaipu, Igku, yAm tuyar uzappat tuRan'tu, uLLAr,
tunni, n'am kAtalar, tuRan'tu Ekum Ar iTai,
'kalmicai uruppu aRak kanai tuLi citaRu!' ena,
in icai eziliyai irappavum iyaivatO?
punaiyizAy! Igku n'Am pulampuRa, poruL veHki,
10
munai ennAr kAtalar munniya Ar iTai,
cinai vATac ciRakkum n'in cinam taNin'tIka! ena,
kanai katirk kanaliyaik kAmuRal iyaivatO?
oLiyizAy! Igku n'Am tuyar kUra, poruLvayin,
aLi orIik kAtalar akanRu Ekum Ar iTai,
15
muLi mutal mUzkiya vemmai tIrn'tu uRuka! ena,
vaLi tarum celvanai vAzttavum iyaivatO?
ena Agku,
cey poruT ciRappu eNNic celvArmATTu, inaiyana
teyvattut tiRan n'Okki, terumaral tEmozi!
20
vaRan OTin vaiyakattu vAn tarum kaRpinAL
n'iRan OTip pacappu Urtal uNTu ena,
aRan OTi vilagkinRu, avar ALvinait tiRattE
talaimakan poruLvayiR pirin'ta iTattu, avan pOkiya kATTatu kaTumai n'inain'tu ARRALAkiya talaimakaL, avar poruTTAka n'Am iv vakaippaTTa teyvagkaLaip paravutal n'am kaRpukku iyaivatO? ena, kETTa tOzi, avvARRAnE mINTanar; n'I kavala vENTA enak kURiyatu (15)