Primary tabs
pAl maruL maruppin
21.tOzi kURRu
pAl maruL maruppin, ural purai pAvu aTi,
Ir n'aRug kamaz kaTAattu, inam piri oruttal
ARu kaTi koLLum vERu pulam paTarn'tu,
poruLvayiR pirital vENTum ennum
5
aruL il collum, n'I collinaiyE;
n'annar n'aRu n'utal n'ayan'tanai n'Ivi,
n'innin piriyalan, ajcal Ompu ennum
n'annar moziyum n'I mozin'tanaiyE:
avaRRuL yAvO vAyina? mAal makanE!
10
kizavar innOr ennAtu, poruLtAn,
paza vinai marugkin peyarpu peyarpu uRaiyum;
anna poruLvayiR pirivOy n'in inRu
imaippuvarai vAzAL maTavOL
amaik kavin koNTa tOL iNai maRan'tE
talaimakanAl pirivu uNarttappaTTa tOzi, avanai n'erugki, kaLavuk kAlattu ozukkam eTuttuk kATTalAl teLivupaTa mozin'tatUum, poruLatu n'ilaiyinmaiyum,avaLatu ARRAmaiyum, kURic celavu maRuttatu