Primary tabs
mali tirai Urn'tu tan
104.tOzi kURRum talaivi kURRum
mali tirai Urn'tu tan maN kaTal vauvalin,
melivu inRi, mEl cenRu, mEvAr n'ATu iTampaTa,
puliyoTu vil n'Ikki, pukaz poRitta kiLar keNTai,
valiyinAn vaNakkiya, vATAc cIrt tennavan
5
tol icai n'aTTa kuTiyoTu tOnRiya
n'al inattu Ayar, orugku tokku, ellArum
vAn uRa Ogkiya vayagku oLir panaikkoTip
pAl n'iRa vaNNan pOl pazi tIrn'ta veLLaiyum,
poru muraN mEmpaTTa polam punai pukaz n'Emit
10
tiru maRu mArpan pOl tiRal cAnRa kAriyum,
mikku oLir tAz caTai mEvarum piRai n'utal
mukkaNNAn uruvE pOl muraN miku kurAlum,
mA kaTal kalakkuRa mA konRa maTagkAp pOr
vEl vallAn n'iRanE pOl veru van'ta cEyum, Agku ap
15
poru varum paNpinavvaiyum, piRavum
uruvap pal koNmUk kuzIiyavai pOla,
puripu puripu pukuttanar, tozUu
av vazi, 'muL eyiRRu Eer ivaLaip peRum, itu Or
veL ERRu eruttu aTagkuvAn
20
oLLizai vAruRu kUn'tal tuyil peRum, vai maruppin
kAri katan ajcAn koLpavan Ir ari
verUup piNai mAn n'Okkin n'allAT peRUum, ik
kurUuk kaN kolai ERu koLvAn. varik kuzai
vEy uRaz men tOL tuyil peRum, ven' tuppin
25
cEey cinan ajcAn cArpavan' enRu Agku
aRaivanar, n'allArai, Ayar muRaiyinAl,
n'ALmIn vAy cUzn'ta mati pOl, miTaimicaip
pENi n'iRuttAr aNi
av vazi, paRai ezun'tu icaippa, pallavar Arppa,
30
kuRaiyA main'tar kOL etir eTutta
n'aRai valam ceya viTA iRuttana ERu
av ERRin
mEl n'ilai mikal ikalin, miTai kazipu izipu, mERcenRu,
vEl n'uti purai viRal tiRan n'uti maruppin mARu ajcAn,
35
pAl n'iRa veLLai eruttattup pAyn'tAnai
n'OnAtu kuttum iLag kArit tORRam kAN
pAl mati cErn'ta aravinaik kOL viTukkum
n'Il n'iRa vaNNanum pOnm
iripu ezupu atirpu atirpu ikan'tu uTan palar n'Igka,
40
vari paripu iRupu iRupu kuTar cOrak kutti, tan
kOTu aziyak koNTAnai ATTit tiripu uzakkum
vATA vekuLi ezil ERu kaNTai, iHtu onRu
veru varu tUmam eTuppa, vekuNTu
tiritarum kol kaLiRum pOnm
45
tAL ezu tuNi piNi icai tavirpu inRit talaic cenRu,
tOL vali tuNi piNi, tuRan'tu iRan'tu eyti, mey cAyn'tu,
kOL vazukkit tan munnar vIzn'tAnmEl cellAtu,
mILum pukar ERRut tORRam kAN maNTu amaruL
vAL akappaTTAnai, 'ovvAn' enap peyarum
50
mILi maRavanum pOnm
Agka, ceRuttu aRuttu uzakki ERRu etir n'iRpa,
maRuttu maRuttu main'tar cAra,
taTi kuRai iRupu iRupu tAyina kiTappa,
iTi uRaz icaiyin iyam ezun'tu Arppa
55
pATu ERRuk koLpavar, pAyn'tu mEl Urpavar,
kOTu iTai n'uzaipavar, kOL cARRupavaroTu
puripu mEl cenRa n'URRuvar maTagka,
vari punai valvil aivar aTTa
poru kaLam pOlum, tozUu
60
tozuvinuL koNTa ERu ellAm pulam puka, taNTAc cIr,
vAgku ezil, n'allArum main'tarum, mallal Ur
AgkaN ayarvar, tazUu
talaiviyaiyum Ayattaiyum tannuTan pATat tOzi azaittal
pATukam, vammin potuvan kolai ERRuk
kOTu kuRi ceyta mArpu
talaivi
65
n'eRRic civalai n'iRai azittAn n'IL mArpil,
ceRRAr kaN cAya, yAn cArAtu amaikallEn;
peRRattAr kavvai eTuppa, atu peritu
uRRIyAL, Ayar makaL
tozIii! orukku n'Am ATum kuravaiyuL, n'ammai
70
arukkinAn pOl n'Okki, allal n'Oy ceytal,
'kurUuk kaN kolai ERu koNTEn, yAn' ennum
tarukku anRO Ayar makan?
tOzi
n'ErizAy! kOL aritAka n'iRutta kolai ERRuk
kAri katan ajcAn pAyn'ta potuvaRkE,
75
ArvuRRu, emar, koTai n'Ern'tAr alar eTutta
UrArai ucci mitittu
Agku,
tol katirt tikiriyAR paravutum olkA
urum uRaz muracin tennavaRku
80
oru mozi koLka, iv ulaku uTan! enavE
'n'ATaka vazakkinum' ennum cUttirattu, 'pATaluL amaiyAta' enRatanAl,ERu tazuviyavARRait tOzi talaivikku kATTik kURi, 'ik kuravaiyuL avanaip pATukam vA' enRATku, avaL uTampATTinuL, tAn alar accam n'Igkinamaiyum, avavan tannai varuttinamaiyum, kURip pATip, pinnar, tOzi, 'n'amar avaRku n'innaik koTai n'Ern'tAr' enak kURiyatu (4)