Primary tabs
vAgkukOl n'elloTu
50.tOzi kURRu
vAgkukOl n'elloTu vAgki, varuvaikal,
mUgkil micain'ta muzan'tAL irum piTi,
tUgku ilai vAzai n'aLi pukku, jAgkar
varuTai maTa maRi Urvu iTait tujcum
5
iruL tUgku cOlai, ilagku n'Ir, veRpa!
aravin poRiyum aNagkum puNarn'ta
uravu vilmEl acaitta kaiyai, OrAgku
n'iraivaLai munkai en tOziyai n'Okki,
paTi kiLi pAyum pacug kural Enal
10
kaTital maRappittAy Ayin, ini n'I
n'eTitu uLLal Omputal vENTum; ivaLE
pal kOT palavin payirppu uRu tIm kani
alku aRaik koNTu UN amalaic ciRukuTi
n'alkUrn'tAr celva makaL
15
n'IyE, vaLiyin ikal mikum tErum, kaLiRum
taLiyin ciRan'tanai van'ta pulavarkku
aLiyoTu kaitUvalai
atanAl,
kaTu mA kaTavuRUum kOl pOl, enaittum
20
koTumai ilaiyAvatu aRin'tum, aTuppal
vazai vaLar cAral varuTai n'an mAn
kuzavi vaLarppavar pOla, pArATTi,
uzaiyin piriyin, piriyum,
izai aNi alkul en tOziyatu kavinE
puNarn'tapin avanvayin vaNagkaRkaN tOzi kURiyatu. atu tOziyiR kUTTam n'ikazn'tapin, muRkAlattup paNin'tu pinninROnait tOzi tAnE paNin'tu ozukutalAm