Primary tabs
viTiyal veg katir kAyum
4.tOzi kURRu
vali munpin, vallenRa yAkkai, puli n'Okkin
cuRRamai villar, curi vaLar pittaiyar,
aRRam pArttu alkum kaTugkaN maRavar tAm
koLLum poruL ilar Ayinum, vampalar
5
tuLLun'ark kANmAr toTarn'tu, uyir vauvalin,
puLLum vazagkAp pulampu koL Ar iTai,
veL vEl valattir poruL taral vETkaiyin,
uLLinir enpatu aRin'tanaL, en tOzi
kAz viri kavai Aram mI varum iLa mulai
10
pOztu iTaippaTAamal muyagkiyum amaiyAr, en
tAz katuppu aNikuvar, kAtalar; maRRu, avar
cUzvatai evankol? aRiyEn! ennum
muL uRaz muLai eyiRRu amiztu URum tI n'Iraik
kaLLinum makizceyum ena uraittum amaiyAr, en
15
oL izai tiruttuvar, kAtalar; maRRu, avar
uLLuvatu evankol? aRiyEn! ennum
n'uN ezil mAmaic cuNagku aNi Akam tam
kaNNoTu toTuttena n'Okkiyum amaiyAr, en
oL n'utal n'Ivuvar, kAtalar; maRRu, avar
20
eNNuvatu evankol? aRiyEn! ennum
ena Agku,
kazi peru n'alkal onRu uTaittu ena, en tOzi
azivoTu kalagkiya evvattaL; oru n'AL, n'Ir,
pozutu iTaippaTa n'Ippin, vAzvALO?
25
ozika ini, peruma! n'in poruT piNic celavE
poruLvayiR pirivEn enRa talaimakaRku, tOzi, talaivi celavuk kuRippu aRin'tavARum, avaLatu ARRAmaiyum, uNartti, celavu ozivAyAka enak kURiyatu