Primary tabs
vIgku n'Ir aviz n'Ilam
66.talaivi kURRu
vIgku n'Ir aviz n'Ilam pakarpavar vayaR koNTa
jAgkar malar cUztan'tu, Ur pukun'ta vari vaNTu,
Ogku uyar ezil yAnaik kanai kaTAm kamaz n'ARRam
Agku avai virun'tu ARRa, pakal alki, kagkulAn,
5
vIgku iRai vaTu koLa, vIzun'arp puNarn'tavar
tEm kamaz katuppinuL arumpu aviz n'aRu mullai
pAyn'tu Uti, paTar tIrn'tu, paNTu tAm marIiya
pUm poykai maRan'tu, uLLAp punal aNi n'al Ura!
aNai men tOL yAm vATa, amar tuNaip puNarn'tu n'I,
10
'maNa manaiyAy' ena van'ta mallalin mANpu anRO
potuk koNTa kavvaiyin pU aNip polin'ta n'in
vatuvai am kamaz n'ARRam vaikaRaip peRRatai?
kanalum n'Oyt talaiyum, 'n'I kanag kuzaiyavaroTu
punal uLAy' ena van'ta pUcalin peritu anRO
15
tAr koNTAL talaik kOtai taTumARip pUNTa n'in
IraNi citaiyAtu, em il van'tu n'inRatai?
taNan'tatan talaiyum, 'n'I taLariyalavaroTu
tuNagkaiyAy' ena van'ta kavvaiyin kaTappu anRO
oLi pUtta n'utalArOTu Or aNip polin'ta n'in
20
kaLi taTpa van'ta ik kavin kANa iyain'tatai?
ena Agku,
aLi peRREm; emmai n'I aruLinai; viLiyAtu
vETTOr tiRattu virumpiya n'in pAkanum,
'n'ITTittAy' enRu, kaTAam, kaTun' tiN tEr;
25
pUTTu viTAa n'iRuttu
parattaiyiR pirin'tu van'ta talaivan tanatu ARRAmaiyE vAyilAkat talaivi yuzaic cenRARku, avan munpu vatuvai ayarn'tatUum, appozutu punal ATiyatUum,ippozutu tuNagkai ATiyatUum, kURip pulan'tAL talaivi; avaL pulan'tavARu kaNTu, cenRu cArn'ta talaimakanuTan UTal tIrkinRAL kURiyatu (1)