Primary tabs
avarai Ay malar utira
243. pAlai
avarai Ay malar utira, tuvarina
vAgku tuLait tukirin Igkai pUppa,
iRagku pOtu avizn'ta Irm putal pakanRaik
kaRagku n'uN tuvalaiyin Uruzai aNiya,
5
peyal n'Ir putu varal tavira, cinai n'Erpu
pIL virin'tu iRaijciya piRagku katirk kazani
n'el oli pAcaval tuzaii, kallenak
kaTitu van'tu iRutta kaN il vATai!
'n'eTitu van'tanai' ena n'illAtu Egkip
10
pala pulan'tu uRaiyum tuNai il vAzkkai
n'amvalattu anmai kURi, avar n'ilai
aRiyun'am Ayin, n'anRuman tilla;
pani vAr kaNNEm Aki, ini atu
n'amakkE evvam AkinRu;
15
anaittAl tOzi! n'am tol vinaip payanE!
talaimakan pirivinkaN vaRpuRuttum tOzikku, talaimakaL 'ARREn' enpatu paTac colliyatu. - koTiyUr kizAr makanAr n'eytal tattanAr