ErukkATTUrt TAyagkaNNanAr-erukkATTUrt TAyagkaNNanAr

Primary tabs

erukkATTUrt tAyagkaNNanAr

veLLiyum iru vicumpu Ertarum; puLLum

uyar cinaik kuTampaik kural tORRinavE;

poykaiyum pOtu kaN vizittana; paipayac

cuTarum curugkinRu, oLiyE; pATu ezun'tu

iragkural muracamoTu valampuri Arppa,

iravup puRagkaNTa kAlait tOnRi,

eHku iruL akaRRum Emap pAcaRai,

vaikaRai aravam kELiyar! 'pala kOL

cey tAr mArpa! ezumati tuyil' ena,

teN kaN mAk kiNai teLirppa oRRi,

n'eTug kaTait tOnRiyEnE; atu n'ayan'tu,

'uLLi van'ta paricilan ivan' ena,

n'eyyuRap poritta kuyyuTai n'eTuj cUTu,

maNik kalan n'iRain'ta maNam n'ARu tERal,

pAmpu urittanna vAn pUg kaligkamoTu,

mAri anna vaNmaiyin corin'tu,

vEnil anna en veppu n'Igka,

arug kalam n'alkiyOnE; enRum,

ceRuvil pUtta cEyitazt tAmarai,

aRu tozil an'taNar aRam purin'tu eTutta

tIyoTu viLagkum n'ATan, vAy vAL

valam paTu tIvin polam pUN vaLavan;

eRi tiraip perug kaTal iRutikkaN celinum,

teRu katirk kanali ten ticait tOnRinum,

'en?' enRu ajcalam, yAmE; ven vEl

aruj camam kaTakkum ARRal avan

tirun'tu kazal n'On tAL taN n'izalEmE.

tiNai atu; tuRai paricilviTai; kaTain'ilai viTaiyum Am.

cOzan kuLamuRRattut tujciya kiLLivaLavanai erukkATTUrt tAyagkaNNanAr pATiyatu.